Ýewropa parlamenti taryhda ilkinji gezek öý we söwda maksatly saklanýan itleriň we pişikleriň köpeldilişini, idegini, sanjymlanyşyny we söwdasyny düzgünleşdirýän kanuny tassyklady. 558 deputatyň goldamagynda kabul edilen bu täze düzgünler haýwanlara garşy doňýüreklilik bilen edilýän bikanun söwdanyň öňüni almaga we olaryň saglygyny goramaga gönükdirilendir. Reformanyň iň möhüm bölegi hökmünde ähli itlere we pişiklere hökmany suratda mikroçipleriň goýulmagy we olaryň ýeke-täk maglumatlar binýadynda hasaba alynmagy bellenildi. Şeýle-de, täze kanun ýerli we daşary ýurtlardan getirilýän haýwanlaryň söwdasyna gözegçiligi güýçlendirip, ýakyndan garyndaş bolan haýwanlaryň köpeldilmegini, sergiler üçin olaryň bedenine zeper ýetirilmegini we dürli jandarlara azar beriji esbaplaryň ulanylmagyny gadagan edýär. Ýyllyk dolanşygy 1,3 milliard ýewro baran bu bazary tertibe salmak üçin hususy eýelere 10-15 ýyla çenli, öndürijilere we haýwanhanalara bolsa 4 ýyla çenli wagt berildi.

Gyzykly bolup bilerЕЩЕ ОТ АВТОРА