“The New York Times” neşiriniň žurnalisti Maşa Gessen žurnalistika we edebiýat äleminde iň abraýly baýraklaryň biri hasaplanýan Pulitser baýragyna mynasyp görüldi. Bu barada sylagyň guramaçylyk komiteti tarapyndan geçirilen resmi tanyşdyrylyş dabarasynda habar berildi. Žurnalist bu sylaga “Teswirleme” nominasiýasy boýunça 2025-nji ýylda neşir edilen, häzirki zaman jemgyýetçilik-syýasy ýagdaýlaryny seljerýän yzygiderli makalalary üçin mynasyp görüldi. Emin agzalarynyň bellemegine görä, žurnalistiň taryhy maglumatlara we şahsy tejribä esaslanýan işleri häzirki döwrüň möhüm meselelerini çuňňur öwrenmäge ýardam berýär.
Sylaga mynasyp görlen işlerde, esasan, dürli sebitlerde bolup geçýän jemgyýetçilik-syýasy özgerişlikler we olaryň taryhy kökleri ylmy-publisistik esasda seljerilýär. Maşa Gessen özüniň hünär ýolunda dünýäniň iri neşirlerinde dürli jogapkärli wezipelerde işläp, köp sanly edebi we publisistik eserleriň awtory hökmünde tanalýar.
1917-nji ýyldan bäri berlip gelinýän Pulitser baýragy halkara derejesinde žurnalistikanyň iň ýokary görkezijilerinden biri hasaplanyp, ol professional ussatlygyň we döredijilikli çemeleşmäniň nusgasy hökmünde ykrar edilýär. Žurnalistiň bu döredijilik üstünligi halkara neşirýat we metbugat jemgyýetçiliginde giň seslenme döretdi.

Gyzykly bolup bilerЕЩЕ ОТ АВТОРА