Saud Arabystany Patyşalygy, Türkiýe Respublikasy we Pakistan Yslam Respublikasy sebitde durnuklylygy we parahatçylygy pugtalandyrmaga gönükdirilen bilelikdäki resminama gol çekdiler. Saud Arabystanynyň mirasdüşer şazadasy Mohammed bin Salmanyň, Türkiýäniň Prezidenti Rejep Taýýip Erdoganyň hem-de Pakistanyň Premýer-ministri Şehbaz Şarifiň gatnaşmagynda Mekge şäherinde geçirilen ýokary derejeli duşuşygyň dowamynda kabul edilen bu resminama taraplaryň arasyndaky alyp barylýan köptaraply hyzmatdaşlygy täze derejä çykarmaga gural bolup hyzmat eder. Bilelikdäki beýanatda bellenilişi ýaly, Taraplar sebitde parahatçylygy, durnuklylygy hem-de özara ynanyşmagy saklamak ugrunda bilelikdäki tagallalary hemmetaraplaýyn goldamaga ygrarlydyklaryny tassykladylar.

Häzirki zamanyň möhüm meýilleriniň göz öňünde tutulmagynda gazanylan bu ylalaşyk sebitde özara bähbitli hyzmatdaşlygy ösdürmekde uly strategik ähmiýete eýedir. Pakistanyň daşary işler ministrliginiň wekilleriniň bellemegine görä, bu hyzmatdaşlyk diňe bir häzirki ýagdaýlar bilen çäklenmän, eýsem sebitde parahatçylygy saklamaga we uzak möhletleýin strategik bähbitleri üpjün etmäge gönükdirilendir. Sebitde uly orun eýeleýän bu üç doganlyk döwletiň arasynda ýola goýulýan täze hyzmatdaşlyk binýady sebitde durnukly ösüşi we parahatçylygy berkitmäge saldamly goşant goşar.

Gyzykly bolup bilerЕЩЕ ОТ АВТОРА