Kolumbiýada soňky on ýyllykdaky iň güýçli ýer titremesiniň pidalary sebäpli üç günlük milli ýas güni diýlip yglan edildi. “BluRadio” radiosynyň ýurduň hökümet resminamasyna salgylanyp habar bermegine görä, 10-njy awgustda ýüze çykan tebigy heläkçilikde adam ölümleriniň bolmagy sebäpli çuňňur gynanç bildirilip, gurban bolanlaryň maşgala agzalaryna we ýakynlaryna duýgudaşlyk beýan edilýär.

Ýurduň günbataryndaky Çoko departamentiniň San-Hose-del-Palmar şäherçesiniň golaýynda 7,4 magnitudaly ýer titremesi boldy we soňky maglumatlara görä, betbagtçylyk netijesinde 250-ä golaý adam heläk boldy. Şunuň bilen baglylykda, ýurtda döwlet edaralarynyň binalarynda, şeýle hem Kolumbiýanyň daşary ýurtlardaky diplomatik wekilhanalarynda we konsullyklarynda baýdaklar aşak düşürildi, ynsanperwer guramalar bolsa heläkçilik çeken sebitlerde öz işlerini dowam etdirýärler.

Gyzykly bolup bilerЕЩЕ ОТ АВТОРА