PDF
Ispaniýanyň “Barselona” topary ahyry arzuwyna ýetdi. Katalonlar “Mançester Sitiniň” ispaniýaly ýyldyzy Rodrini (doly ady Rodrigo Hernandes Kaskante) düzümine goşdy. “Barselona” topary 30 ýaşyndaky ýarymgoragçynyň transferi üçin iňlis klubuna 60+15 million ýewro berer. Rodri “Barselona” bilen 4 ýyllyk şertnama baglaşdy. Ol katalonlaryň düzüminde 16-njy belgili köýnekçäni geýer.
2014-nji ýylda “Wilýarrealyň” ýaşlar düzüminde futbola başlan Rodri 3 möwsüm “Wilýarreal” toparynda oýnady. 1 möwsüm “Atletiko Madridiň” köýnekçesini geýip, 2019-njy ýylyň tomsunda “Mançester Siti” toparyna transfer boldy. Bu klubda 8 möwsüm çykyş eden Rodri 298 duşuşykda 28 gezek tapawutlandy. Ol şäherlileriň düzüminde 13 kubok gazandy.
Ispaniýanyň milli ýygyndysynda şu wagta çenli 70 gezek meýdança çykan Rodri 2023-nji ýylda UEFA Milletler Ligasynda, 2024-nji ýylda Ýewropa çempionatynda hem-de şu ýyl Dünýä Kubogynda çempionlyga mynasyp boldy. 2024-nji ýylda “Altyn top” baýragyny gazanan Rodri şu Dünýä Kubogynyň iň ökde oýunçysy diýlip saýlandy. Rodrini “Real Madrid” hem transfer etmek isläpdi. “Mançester Siti” topary Barselonanyň başdaky tekliplerinden ýüz öwrüpdi.
