23-nji aw­gust­da Daş­kent­de Öz­be­gis­tan Res­pub­li­ka­sy­nyň Pre­zi­den­ti Şaw­kat Mir­zi­ýo­ýe­wiň we Azer­baý­jan Res­pub­li­ka­sy­nyň Pre­zi­den­ti Il­ham Ali­ýe­wiň gat­naş­ma­gyn­da Ýo­ka­ry döw­le­ta­ra ge­ňe­şi­niň üçün­ji mej­li­si ge­çi­ril­di. Du­şu­şy­gyň jem­le­ri bo­ýun­ça döw­let Baş­tu­tan­la­ry ta­ra­pyn­dan Ebe­di dost­luk ha­kyn­da­ky ta­ry­hy şert­na­ma gol çe­kil­di. Bu res­mi­na­ma iki ýur­duň kö­pu­gur­ly hyz­mat­daş­ly­gy­ny tä­ze maz­mun bi­len baý­laş­dyr­ma­ga we uzak möh­let­li hyz­mat­daş­ly­gy pug­ta­lan­dyr­ma­ga hyz­mat eder.
Mej­li­siň bar­şyn­da ta­rap­lar öza­ra söw­da do­la­ny­şy­gy­ny art­dyr­mak we ma­ýa go­ýum tas­la­ma­la­ry­ny dur­mu­şa ge­çir­mek bo­ýun­ça giň möç­ber­li mak­sat­la­ry kes­git­le­di­ler. Hu­su­san-da, 2030-njy ýy­la çen­li iki­ta­rap­la­ýyn söw­da do­la­ny­şy­gy­ny 1 mil­liard amerikan dol­laryna ýe­tir­mek esa­sy we­zi­pe hök­mün­de kes­git­le­nil­di. Mä­lim bol­şy ýa­ly, 2025-nji ýyl­da öza­ra söw­da möç­be­ri 795 mil­li­on dol­la­ra ýe­tip, öň­ki ýyl bi­len de­ňeş­di­ri­len­de, ep-es­li art­dy. Ta­rap­lar şeý­le hem ener­ge­ti­ka, geo­lo­gi­ýa, hi­mi­ýa se­na­ga­ty, gur­lu­şyk, ma­li­ýe sek­to­ry we oba ho­ja­ly­gy ul­gam­la­ryn­da bi­le­lik­dä­ki ma­ýa go­ýum tas­la­ma­la­ry­ny dur­mu­şa ge­çir­me­giň esa­sy ugur­la­ry­ny ara alyp mas­la­hat­laş­dy­lar.
Ta­rap­lar Transhazar Halkara ulag geçelgesi (Or­ta ge­çel­ge) bo­ýun­ça ýük da­şal­ma­gy­ny kö­pelt­mä­ge we lo­gis­ti­ka inf­rast­ruk­tu­ra­sy­ny go­wu­lan­dyr­ma­ga aý­ra­tyn üns ber­di­ler. Ha­zar deň­zin­de bi­le­lik­dä­ki flo­ty dö­ret­mek bo­ýun­ça iş­le­ri iş­jeň­leş­dir­mek me­ýil­leş­di­ril­ýär. Şeý­le hem Azer­baý­jan, Ga­za­gys­tan we Öz­be­gis­tan öz ener­gi­ýa ul­gam­la­ry­ny bi­rik­dir­mek hem-de di­kel­dil­ýän ener­gi­ýa çeş­me­le­rin­den ön­dü­ril­ýän aras­sa elekt­rik ener­gi­ýa­sy­ny Ha­zar deň­zi­niň üs­ti bi­len Azer­baý­ja­na, on­dan soň­ra bol­sa Ýew­ro­pa ba­zar­la­ry­na iber­mek üçin «ýa­şyl» ener­ge­ti­ka ge­çel­ge­si­ni dö­ret­mek ug­run­da bi­le­lik­de iş­le­ýär­ler.
Sa­pa­ryň çäk­le­rin­de Me­de­ni­ýet, Sy­ýa­hat­çy­lyk, Da­şa­ry iş­ler we Ada­lat mi­nistr­lik­le­ri­niň ara­syn­da­ky hyz­mat­daş­lyk, şeý­le-de şä­her­le­ri do­gan­laş­dyr­mak bo­ýun­ça bir­nä­çe mö­hüm yla­la­şyk­la­ra gol çe­kil­di. Hu­su­san-da, FI­FA-nyň
2025-nji ýyl­da­ky ka­ra­ry­na la­ýyk­lyk­da,
2027-nji ýyl­da fut­bol bo­ýun­ça ýaş­la­ryň ara­syn­da­ky (U-20) Dün­ýä çem­pio­na­ty­ny Öz­be­gis­tan bi­len Azer­baý­ja­nyň bi­le­lik­de ge­çir­me­gi ýurt­la­ryň sport pu­da­gyn­da­ky hyz­mat­daş­ly­gy­nyň aý­dyň su­but­na­ma­sy bol­dy. Şeý­le hem Tä­ze Daş­kent şä­he­rin­de Ny­za­my adyn­da­ky Mil­li pe­da­go­gik uni­wer­si­te­ti­niň tä­ze kam­pu­sy­nyň açyl­ma­gy we Azer­baý­jan se­ýil­gä­hi­niň düý­bü­niň tu­tul­ma­gy iki ýurduň arasyndaky gat­na­şyk­la­ryň tä­ze tap­gy­ry­ny gör­kez­ýär.

Gyzykly bolup bilerЕЩЕ ОТ АВТОРА