PDF
UEFA Çempionlar Ligasynda täze möwsümiň bijeleri çekildi. Has takygy, liga tapgyrynda haýsy toparyň haýsy 8 topar bilen duşuşyk geçirjekdigi mälim edildi. Bije çekiliş dabarasynda fransuz futbolynyň ýyldyzlaryndan Tierri Anri bilen ispan futbolynyň meşhur hüjümçisi Dawid Wilýa gatnaşdy.
Dabaranyň başynda PSŽ-niň braziliýaly goragçysy Markinios UEFA-nyň täze baýragynyň – “Respect: Beyond the Game Award” sylagynyň ilkinji eýesi boldy. Şeýle-de, Tierri Anri UEFA-nyň Prezidentiniň baýragy bilen sylaglandy.
Çekilen bijä laýyklykda, edil geçen möwsümde bolşy ýaly, futbol janköýerlerine liga tapgyry boýunça 20-25 sany super duşuşyk garaşýar.
Soňky çempion PSŽ topary “Barselona”, “Mançester Siti”, “Roma”, “Galatasaraý”, “Aston Willa”, “Wilýarreal”, “Slowan Bratislawa”, “Komo” klublary bilen bije çekişdi.
Bu kubogy iň köp eýelän “Real Madridiň” bijesine-de “Inter”, “Arsenal”, PSW, “Roma”, “Leipsig”, “Şahtýor”, LASK, AEK toparlary düşdi.
Finalçy “Arsenal” bolsa “Real Madrid”, “Bawariýa”, “Borussiýa Dortmund”, “Betis”, “Lill”, “Napoli”, “Sabah” hem-de “Slawiýa Praga” bilen duşuşar.
“Barselona” hem “Mançester Siti”, PSŽ, “Aston Willa”, “Sporting”, “Feýenoord”, “Galatasaraý”, “Komo” hem-de “Sabah” klublary bilen özara duşuşyk geçirer.
Her topar 4 duşuşygy öz meýdançasynda, 4 duşuşygy-da myhmançylykda geçirer. Toparlaryň haýsy topar bilen haýsy gün duşuşjakdygy, şol sanda duşuşyklaryň başlanýan wagty şenbe güni mälim ediler.
