Hytaýyň daşary işler ministri Wan I Pekinde Özbegistan Respublikasynyň Prezidentiniň administrasiýasynyň ýolbaşçysy Saida Mirziýoýewa bilen duşuşdy. Duşuşykda iki ýurduň arasyndaky strategik hyzmatdaşlygy we özara bähbitli gatnaşyklary has-da berkitmek meseleleri ara alnyp maslahatlaşyldy.

Hytaý Kommunistik partiýasynyň Merkezi komitetiniň Syýasy býurosynyň agzasy bolan Wan I döwlet ýolbaşçylarynyň tagallasy bilen ikitaraplaýyn gatnaşyklarda uly öňegidişlikleriň gazanylandygyny belläp, Hytaýyň Özbegistan bilen dostlukly we ygtybarly hyzmatdaşlygy mundan beýläk-de ösdürmäge taýýardygyny mälim etdi. Özbegistan tarapy hem Hytaý bilen ýokary derejedäki gatnaşyklary dowam etdirmäge we dürli ugurlardaky amaly hyzmatdaşlygy çuňlaşdyrmaga gyzyklanma bildirýändigini tassyklady.

Soňky ýyllarda «Bir guşak, bir ýol» başlangyjynyň çäginde energetika, ulag, söwda we demir ýol gurluşygy ýaly möhüm infrastruktura taslamalary üstünlikli amala aşyrylýar. Merkezi Aziýada sebit durnuklylygyny we bilelikdäki ösüşi üpjün etmäge gönükdirilen bu sapar taraplaryň strategik hyzmatdaşlygy täze derejä çykarmaga berk taýýardygyny görkezdi.

Gyzykly bolup bilerЕЩЕ ОТ АВТОРА