Lon­do­nyň «New Spi­tal­fields» ter önüm­ler ba­za­ryn­da şä­her­de iň uly Gün pa­nel ul­ga­my işe gi­ri­zil­di, mu­nuň üs­ti bi­len iri söw­da mer­ke­zi öz elekt­rik ener­gi­ýa­sy üp­jün­çi­li­gi­ni ýo­la goý­dy. Leý­ton se­bi­tin­de ýer­leş­ýän we umu­my meý­da­ny 13 gek­ta­ra ba­ra­bar bo­lan bu ba­za­ryň bäş sa­ny bi­na­sy­nyň üçek­le­rin­de je­mi 2 müň 730 sa­ny Gün pa­ne­li otur­dyl­dy.
Ba­ha­sy 1 mil­li­on funt ster­lin­ge (1,17 mil­li­on ýew­ro) ba­ra­bar bo­lan bu tas­la­ma «City of Lon­don» kor­po­ra­si­ýa­sy­nyň iş amal­la­ryny ýerine ýetirende, 2027-nji ýy­la çen­li zy­ňyn­dy­la­ry do­ly aradan aýyrmaga go­şant go­şar. Umu­my kuw­wa­ty 1,4 me­ga­watt bo­lan bu ul­gam ýyl­da, tak­my­nan, 1,27 gi­ga­watt/sa­gat elekt­rik ener­gi­ýa­sy­ny ön­dü­rip, ho­wa zy­ňyn­dy­la­ry­ny ýyl­da 225 ton­na go­laý ke­melt­mä­ge müm­kin­çi­lik be­rer.
Gi­je-gün­diz iş­le­ýän we so­wa­dy­jy en­jam­lar üçin köp muk­dar­da ener­gi­ýa ta­lap ed­ýän bu ba­zar­da ýer­li çeş­me­den al­nan «ýa­şyl» ener­gi­ýa­nyň ula­nyl­ma­gy onuň umu­my elekt­rik ul­ga­ma bo­lan ga­raş­ly­ly­gy­ny ep-es­li gow­şad­ýar. Kor­po­ra­si­ýa­nyň strategiýa ko­mi­te­ti­niň baş­ly­gy Kris He­ýuord bu baş­lan­gy­jyň Be­ýik Bri­ta­ni­ýa­da­ky ys­sy ho­wa şert­le­rin­de we so­wa­dy­jy ul­gam­la­ra bo­lan is­le­giň art­ýan döw­rün­de ýer­li tä­ze­le­nip bil­ýän çeş­me­le­re ma­ýa goý­ma­gyň mö­hüm­di­gi­ni ala­mat­lan­dyr­ýan­dy­gy­ny bel­le­di.
Bü­tin Lon­do­nyň esa­sy tä­jir­çi­lik inf­rast­ruk­tu­ra­syn­da giň möç­ber­li tä­ze­le­nip bil­ýän ener­gi­ýa­ny ulan­mak üçin bu tas­la­ma­nyň nus­ga­lyk äh­mi­ýe­te eýe bol­ma­gy­na ga­ra­şyl­ýar. Ýur­duň iň iri mi­we, gök önüm we gül­le­re ni­ýet­le­nen ba­zar­la­ry­nyň bi­ri bo­lan «New Spi­tal­fields» ba­za­ryn­da 130 te­le­ke­çi zäh­met çe­kip, olar aly­jy­la­ra 15 müň­den gow­rak ha­ryt gör­nü­şi­ni hö­dür­le­ýär­ler.

Gyzykly bolup bilerЕЩЕ ОТ АВТОРА