PDF
UEFA Çempionlar Ligasynda Angliýanyň “Aston Willa” topary öz meýdançasynda Türkiýäniň “Fenerbahçe” toparynyň derwezesinden jogapsyz 6 gol girizdi. Gollary 12-nji minutda Ýohan Manzambi, 31-nji, 39-njy minutlarda Nikolas Jekson, 68-nji (p) we 72-nji minutlarda Ross Barkli hem-de 90-njy minutda Temmi Abraham öz atlaryna ýazdyrdylar.
Çempionlar Ligasyna ilkinji gezek gatnaşýan Awstriýanyň LASK topary öz meýdançasynda “Liwerpul” bilen duşuşdy. Her ýarymda 3 gol geçiren “Liwerpul” topary 6-3 hasabynda ýeňiş gazandy. Ýer eýeleriniň 2-nji ýarymda geçiren 3 goly ýeňlişiň öňüni almak üçin ýeterlik bolmady. Duşuşykda “Liwerpulyň” fransuz ýyldyzy Bredli Barkola het-trik etdi. Ol 24-nji, 37-nji hem-de 66-njy minutlarda tapawutlandy. Iňlis klubunyň beýleki gollaryny Arauho, Frimpong hem-de Kumas derwezä girizdi. LASK toparyndan bolsa Lýubiçiç bilen Fleker ikisi tapawutlandy.
Ispaniýada “Betis” öz meýdançasynda “Porto” bilen duşuşyp, ýer eýeleri 3-2 hasabynda ýeňiş gazandy. Ispan toparyna ýeňiş getiren gollary Ezzalzuli, Hernandes hem-de Isko, myhmanlaryň gollaryny bolsa Weiga bilen Agehowa geçirdi.
“Bawariýadan” soň başga bir nemes kluby “Borussiýa Dortmunda” hem Norwegiýadan ýeňiş bilen dolanmak başartmady. “Bude-Glimt” öz meýdançasynda “Borussiýa Dortmundy” Sýowoldyň 52-nji minutdaky ýeke-täk goly bilen ýeňlişe sezewar etdi.
Germaniýanyň “Ştutgart” topary Bratislawada “Slowan” toparynyň myhmany bolup, garşydaşyny 3-0 hasabynda ýeňdi. Nemes klubuna ýeňiş getiren gollary Undaw, Kruz (ö.d.) hem-de Demirowiç geçirdi.
Niderlandlaryň Rotterdam şäherinde “Feýenoord” topary ýaryşyň debýutanty “Komo” toparyny kabul etdi. Çekeleşikli geçen oýunda “Feýenoord” 3-2 hasabynda ýeňiş gazandy. Oýunda niderland toparynyň adyndan Zehiel (20), Hadž Mussa (52), Sançes (81 ö.d.) tapawutlandy. Ilkinji bolup hasaby açan “Komo” toparynyň gollary bola Dia (18) bilen Duwikas (90+3) derwezä girizdi.
