Şy­gyr di­ňe bir pi­kir däl, eý­sem, duý­gy bi­len hem oky­ja tä­sir ed­ýär. Kä­ha­lat­da bir­nä­çe se­tir­de be­ýan edi­len pi­kir uly göw­rüm­li ese­riň ber­ýän tä­si­ri­ne deň bo­lup bil­ýär. Hor­mat­ly Pre­zi­den­ti­mi­ziň «Türk­me­niň buý­san­jy» goş­gu­syn­da hem mil­li ruh, Wa­ta­na bo­lan söý­gi, hal­ky­my­zyň mer­te­be­si­ne buý­sanç ýa­ly be­lent duý­gu­lar öňe çyk­ýar. Şol se­bäp­li bu ese­riň gym­ma­ty di­ňe çe­per­çi­lik aý­ra­tyn­ly­gyn­da däl, eý­sem, ýaş nes­le ýe­tir­ýän ru­hy-ter­bi­ýe­çi­lik tä­si­rin­de hem aý­dyň gö­rün­ýär.
Adam üçin ene top­rak­dan eziz me­kan ýok. Yn­san dün­ýä inen ýe­ri­niň di­li­ni we me­de­ni­ýe­ti­ni kal­by­na siň­di­rip ulal­ýar. Şo­nuň üçin Wa­tan dü­şün­je­si di­ňe ge­og­ra­fik çäk bi­len öl­çen­me­ýär. Wa­tan ata-ba­ba­la­ryň dowamaty, ene-ma­ma­la­ryň hüw­dü­si, ene di­li, mil­li däp-des­sur­lar, ta­ry­hy ýa­dy­gär­lik­ler, hal­kyň geç­mi­şi, şu gü­ni we gel­je­gi­dir.
«Türk­me­niň buý­san­jy» goş­gu­sy­nyň ter­bi­ýe­çi­lik äh­mi­ýe­ti­niň esa­sy ugur­la­ry­nyň bi­ri hem Wa­ta­na bo­lan söý­gi­ni güýç­len­dir­mek­den yba­rat­dyr. Eser oky­jy­ny öz ýur­du­na gu­wan­ma­ga, onuň ab­ra­ýy­ny be­len­de gö­ter­mä­ge, ösüş­le­ri­ne go­şant goş­ma­ga ça­gyr­ýar. Şeý­le pi­kir­le­riň ýaş­la­ryň aňyn­da berk or­naş­ma­gy ola­ryň bu söý­gi­ni okuw­da, zäh­met­de, dö­re­di­ji­lik­de we jem­gy­ýe­te peý­da­ly iş­ler­de gör­kez­me­gi­ne iter­gi ber­ýär.
Ha­ky­ky wa­tan­sö­ýü­ji­lik jo­gap­kär­çi­lik bi­len aý­ryl­maz bag­la­ny­şyk­ly­dyr. Ýaş ne­sil Wa­ta­nyň gel­je­gi­niň öz bi­li­mi­ne, zäh­me­ti­ne, ba­şar­ny­gy­na we ah­lak sy­pat­la­ry­na hem bag­ly­dy­gy­na dü­şün­me­li­dir. Şu nuk­daý­na­zar­dan, goş­gy­nyň ter­bi­ýe­çi­lik tä­si­ri ýaş­lar­da ra­ýat­lyk jo­gap­kär­çi­li­gi­ni ös­dür­mek­de hem ýü­ze çyk­ýar.
Türk­men hal­ky­nyň baý ta­ry­hy we me­de­ni mi­ra­sy bar. Asyr­la­ryň do­wa­myn­da ke­ma­la ge­len mil­li däp-des­sur­lar, ha­ly­çy­lyk sun­ga­ty, at­çy­lyk me­de­ni­ýe­ti, bag­şy­çy­lyk, des­san­çy­lyk, halk dö­re­di­ji­li­gi, edep-ter­bi­ýe ýö­rel­ge­le­ri mil­li öz­bo­luş­ly­ly­gy­my­zyň aý­ryl­maz bö­le­gi­dir. Ýaş nes­liň bu gym­mat­lyk­la­ry bil­me­gi di­ňe geç­mi­şi öw­ren­mek üçin ze­rur däl­dir. Öz kö­kü­ni bil­ýän adam gel­je­ge ynam­ly ga­dam ur­ýar. Ata-ba­ba­la­ry­nyň nä­hi­li dur­muş ýö­rel­ge­le­ri­ne eýe­ren­di­gi­ne, nä­hi­li ru­hy gym­mat­lyk­la­ry go­rap sak­lan­dy­gy­na dü­şün­ýän ýaş ne­sil öz hal­ky­na bo­lan buý­san­jy­ny has çuň­ňur duý­ýar.
Mil­li mi­ra­sy go­ra­mak di­ňe ta­ry­hy ýa­dy­gär­lik­le­ri ýa-da ga­dy­my eser­le­ri aýaw­ly sak­la­mak däl­dir. Ene di­lin­de aras­sa gep­le­mek, mil­li edep ka­da­la­ry­na hor­mat goý­mak, ýa­şu­ly­ny sy­la­mak, ki­çä hor­mat-söý­gi bi­len ga­ra­mak, myh­man­sö­ýer­lik, ha­lal­lyk, leb­zi­ha­lal­lyk, ag­zy­bir­lik ýa­ly ýö­rel­ge­le­ri do­wam et­dir­mek hem mil­li mi­ra­sy go­ra­ma­gyň mö­hüm gör­nüş­le­ri­dir.
Ter­bi­ýe di­ňe öwüt-ün­dew ar­ka­ly be­ril­me­ýär. Kä­wagt çe­per eser yn­sa­na aý­dy­lan ýüz­ler­çe öwüt­den has güýç­li tä­sir ed­ýär. Se­bä­bi oky­jy çe­per eser­dä­ki pi­ki­ri di­ňe aňy arkaly ka­bul et­män, ýü­re­gi bi­len hem duý­ýar. Şyg­ry­ýe­tiň ter­bi­ýe­çi­lik güý­ji aý­ra­tyn ulu­dyr. Saz­la­şyk­ly se­tir­ler, tä­sir­li söz­ler, çe­per keşp­ler ada­myň ýa­dyn­da uzak wagt­lap sak­lan­ýar. Şo­nuň üçin hem ýaş nes­le wa­tan­sö­ýü­ji­lik, yn­san­per­wer­lik, zäh­met­sö­ýer­lik, ag­zy­bir­lik ýa­ly gym­mat­lyk­la­ry dü­şün­dir­mek­de şyg­ry­ýet mö­hüm se­riş­de bo­lup hyz­mat ed­ýär.
«Türk­me­niň buý­san­jy» goş­gu­sy­ny ýaş­la­ryň ara­syn­da öw­ren­mek di­ňe bir ese­riň maz­mu­ny­ny dü­şün­dir­mek bi­len çäk­len­me­li däl­dir. Onuň üs­ti bi­len mil­li buý­sanç, Wa­tan öňün­dä­ki borç, hal­kyň ta­ry­hy, ne­sil­le­riň do­wa­ma­ty ýa­ly dü­şün­je­ler ba­ra­da pi­kir alyş­mak hem mö­hüm­dir. Şeý­le çe­me­leş­me ese­riň ter­bi­ýe­çi­lik tä­si­ri­ni has-da güýç­len­dir­ýär.
Ýaş­la­ryň bi­ri-bi­ri­ne hor­mat goý­ma­gy, dost-do­gan­ly­gy ber­kit­me­gi, jem­gy­ýet­çi­lik bäh­bit­le­ri­ne dü­şün­me­gi, dür­li hü­när­ler­de zäh­met çe­kip Wa­ta­nyň ösü­şi­ne go­şant goş­ma­gy ag­zy­bir­li­giň dur­muş­da­ky aý­dyň ýü­ze çyk­ma­sy­dyr. «Türk­me­niň buý­san­jy» goş­gu­sy­nda hem hal­kyň mer­te­be­si­ne, mil­li je­bis­li­ge we ru­hy bi­te­wü­li­ge aý­ra­tyn äh­mi­ýet be­ril­ýän­di­gi­ni gör­mek bol­ýar. Goş­gy­nyň ter­bi­ýe­çi­lik ru­hy ýaş­la­ry ata-ba­ba­la­ry­my­zyň zäh­met­sö­ýer­lik, mert­lik, ha­lal­lyk ýa­ly hä­si­ýet­le­ri­ni do­wam et­dir­mä­ge hö­wes­len­dir­ýär. Bu hä­si­ýet­ler bol­sa bi­lim­li we giň dün­ýä­ga­ra­ýyş­ly ýaş nes­liň ke­ma­la gel­me­gi üçin ze­rur­dyr.

Nurjahan RAHMANBERDIÝEWA,
Ahal welaýatynyň Gökdepe etrabyndaky 24-nji orta mekdebiň mugallymy.

Gyzykly bolup bilerЕЩЕ ОТ АВТОРА