Bi­ze ki­tap­syz dün­ýä­ni göz öňü­ne ge­tir­mek ýe­ňil däl. Çaga­ly­gy­myz­dan öw­re­ni­şen dür­li ki­tap­la­ry­myz bi­ziň öňü­miz­de dur­mu­şyň tä­sin syr­la­ry­ny açyp görkezýär. Ki­tap iň kyn pur­sat­lar­da peý­da­ly mas­la­hat­la­ry be­rip, bi­ziň özü­mi­ze akyl ýe­tir­mä­ge ýar­dam ber­ýär. Ki­ta­byň esa­sy we­zi­pe­si – asyr­la­ryň do­wa­myn­da top­la­nan bi­li­mi go­rap, ola­ry in­di­ki ne­sil­le­re ýe­tir­mek­dir. Şol se­bäp­li soň­ky ýüz­ýyl­lyk­da bi­lim babat­da adam­za­dyň ok­gun­ly ösü­şi ba­şa bar­dy. Yl­my açyş­la­ryň ag­la­ba­sy ozal top­la­nan we ul­gam­laş­dy­ry­lan mag­lu­mat­la­ryň esa­syn­da ama­la aşy­ryl­ýar. Çün­ki, olar dün­ýä­niň dür­li kün­jek­le­ri­niň tej­ri­be­le­ri­niň ne­ti­je­si bo­lup dur­ýar­lar. Bi­ziň ki­tap­dan al­ýan bi­li­mi­miz, eý­ýäm kö­pe aýan bo­lan ylmy açy­şy gaýtalamaga wagt ýi­tir­män, öňe git­mä­ge müm­kin­çi­lik ber­ýär. Mundan başga-da, ki­tap­lar bi­ze dün­ýä ede­bi­ýa­ty­nyň aja­ýyp eser­le­ri­ni okap, dünýägaraýşymyzy has-da giňeltmäge we netije çykarmaga müm­kin­çi­lik dö­red­ýär.
Ki­tap oka­mak ada­myň aňyny ös­dür­ýär we kä­mil­leş­dir­ýär. Oky­jy ese­riň ma­ny­sy­na dü­şün­mek üçin üns­li oka­ma­ly hem-de öz şah­sy tej­ri­be­si esa­syn­da mag­lu­mat­la­ry sel­jer­me­giň höt­de­sin­den gel­me­li bol­ýar. Eger-de bu oky­ja ba­şart­sa, on­da onuň öňün­de tä­sin wa­ka­la­ryň, ru­hy baş­dan ge­çir­me­le­riň ümmülmez dün­ýä­si açy­lyp, onuň akyl ýe­ti­riş uky­by­ny has-da güýç­len­dir­ýär.
Äh­li dö­wür­ler­de hem ki­ta­ba mu­kad­deslik hök­mün­de ga­rap, oňa gö­züň gö­re­ji ýa­ly çe­me­le­şip­dir­ler. Bir ma­hal­lar he­niz çap­ha­na teh­no­lo­gi­ýa­sy oý­la­nyp ta­pyl­man­ka, ki­tap el bi­len gö­çü­ri­lip­dir, onuň sa­ha­by­na al­tyn ça­ýy­lyp, gym­matba­ha daş­lar bi­len be­ze­lip­dir. Bir­nä­çe asyr mun­dan öň ýa­zy­lan ki­tap­lar, ež­dat­la­ry­my­zyň dün­ýä­ga­raý­şy­na we oý-pi­kir­le­ri­ne akyl ýe­tir­mä­ge ýar­dam be­rip, olar adam­za­dyň ýa­ra­dy­ly­şy­nyň düýp mak­sat­la­ry­ny açyp görkez­ýär. Biz ki­tap­la­ryň kö­me­gi bi­len adam­za­dyň oý-pikirleriniň, jem­gy­ýet­çi­lik gur­lu­şy­nyň we ah­lak ka­da­la­ry­nyň kä­mil­le­şiş pro­se­si­ne syn edip bil­ýä­ris. Ki­tap­lar bi­ziň Ze­min­dä­ki ýa­şaý­şy­my­zyň dürli ta­ry­hy wa­ka­la­ry­ny özün­de jemleýär.
Hä­zir­ki wagt­da teh­no­lo­gi­ýa­nyň ös­ýän­di­gi­ne ga­ra­maz­dan, ki­tap öz äh­mi­ýe­ti­ni ýi­tir­me­ýär. In­ter­net­den ta­pyp bol­ýan elekt­ron ki­tap­lar, ada­ma ze­rur bo­lan mag­lu­ma­ta el­ýe­ter­li­li­gi ep-es­li de­re­je­de ýe­ňil­leş­dir­ýär we tiz­leş­dir­ýär. Ýöne, kagyz ki­tap­dan oka­ma­gyň ta­rap­dar­la­ry hem he­mi­şe köp bo­lar, çün­ki, onuň özün­den oka­mak aý­ra­tyn ru­hy ýag­daý dö­re­dip, ki­tap­da­ky wakalara gatnaşýan ýa­ly duý­gy­ny baş­dan ge­çir­mä­ge müm­kin­çi­lik ber­ýär.

Mäh­ri At­da­ýe­wa,
Türk­men döw­let ma­li­ýe ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА