Şu gün mundan 90 ýyl ozal, futboldaky iň uly çäre bolan Dünýä Kubogynyň ilkinji çempiony belli bolýar. 13 ýurduň gatnaşmagynda Urugwaýda geçirilen çempionatyň finalynda ýer eýeleri bilen Argentinanyň ýygyndysy çykyş edýär. Paýtagt Montewideodaky çempionat üçin ýörite gurlan “Centenario” stadionynda oýnalan final Urugwaý 4-2 ýeňiş gazanýar. Duşuşygyň 1-nji ýarymynda argentinleriň topy bilen oýnalýar. 2-nji ýarym urugwaýlylaryň topy bilen oýnalýar. Şeýle-de bu çempionatda 36 ýyl soň futbolyň watany Angliýada geçirilen 8-nji Dünýä Kubogynyň finalynda ýer eýeleri iňlisler goşmaça wagtda Günbatar Germaniýanyň ýygyndysy 4-2 hasabynda ýeňýär. Duşuşyk häzirki wagtda-da jedelli gol bilen ýatlanylýar. Oýunda iňlisleriň 3 goluny Jeoff Hörst derwezä girizýär.
1932-nji ýylyň 30-njy iýulynda Los Anjelesde 10-njy Olimpiýa oýunlaryna badalga berilýär.
Şeýle-de şu gün Ýurgen Klopp hem-de zenan futbolynyň görnükli wekili amerikaly derwezeçi Houp Solonyň doglan günleri.
1928 – Russiýaly gimnastikaçy, Olimpiýa çempiony Walentin Muratow dünýä inýär.
1930 – Urugwaýda geçirilen I Dünýä Kubogynyň finalynda Urugwaýyň ýygyndysy Argentinany 4-2 hasabynda ýeňip, Dünýäniň ilkinji çempiony bolýar.
1932 – ABŞ-nyň Los Anjeles şäherinde X tomusky Olimpiýa oýunlaryna badalga berilýär.
1948 – Londonda çehiýaly ylgaýjy Emil Zapotek 10 müň metr ylgawda Olimpiýa rekordyny goýýar.
1964 – Germaniýaly futbolçy hem-de tälimçi Ýurgen Klinsmann dünýä inýär.
1966 – Angliýada geçirilen VIII Dünýä Kubogynyň finalynda Angliýanyň ýygyndysy Günbatar Germaniýany goşmaça wagtda 4-2 hasabynda ýeňip, ilkinji we häzirlikçe ýeke-täk çempionlygyny gazanýar. Duşuşykda Jeoff Hörst het-trik edýär.
1981 – Amerikaly futbolçy zenan, meşhur derwezeçi Houp Solo dünýä inýär.
