“Lionsgate” kompaniýasy “Jon Wik” kinolarynyň 4-5-nji filmleriniň yzly-yzlyna ekranlaşdyryljakdygyny habar berdi. Soňky ýyllaryň şowly çykan uruşly kinosy hasaplanýan we baş keşbinde Keanu Riweziň surata düşen Jon Wik filmleriniň ilkinji 3 bölümi prokatdan ýokary girdeji gazanypdy hemem tomaşaçylaryň söýgüli ekran eserine öwrülipdi. Geçen ýyl prokata çykan “Jon Wik – 3” filminiň prokatda üstünlik gazanmagyndan soň, prodýuserler 4-nji filmiň hem surata düşüriljekdigini habar beripdiler. Ýöne dünýäde emele gelen çylşyrymly ýagdaýlardan soň, 4-nji filmiň surata düşüriliş işleri togtadylypdy. Şol nukdaýnazardan, filmi öndüriji kompaniýa 4-nji filmiň üstüne 5-nji filmiň hem surata düşüriljekdigini habar berdi. Iki filmi hem 2021-nji ýylda surata düşürmeklik göz öňünde tutulýar. 4-nji filmiň görkeziljek wagty bolsa, 2022-nji ýylyň 27-nji maýy diýlip kesgitlenildi. 5-nji filmiňki bolsa, häzirlikçe belli däl.
