UEFA-da täze çempion

Ýew­ro­pa­nyň Çem­pi­on Klub­la­ry­nyň Ku­bo­gy ýa­ry­şy­nyň no­bat­da­ky möw­sü­min­de tä­ze çem­pi­on ýü­ze çyk­ýar. Ger­ma­ni­ýa­nyň «Bun­des­li­ga­sy­nyň» we­ki­li di­ňe bir ýer­li çem­pio­na­tyň däl, eý­sem, UEFA-nyň ýa­ryş­la­ry­nyň-da iň uly klu­bu­na öw­rül­ýär. Bu ýa­ryş ola­ryň hal­ka­ra bäs­le­şik­ler­dä­ki ýe­ňiş­le­ri­niň baş­lan­gy­jy bol­ýar. Ýa­ry­şa je­mi 31 to­par gat­naş­ýar.
1-nji tap­gy­rda yz­ly-yzy­na 3 çem­pi­on­lyk ga­za­nan «Aýaks» edil mun­dan öň­ki möw­süm­de bol­şy ýa­ly, ýe­ne-de du­şu­şyk oý­na­ma­ýar. Ku­bo­gyň tä­ze eýe­si «Ba­wa­ri­ýa» Şwe­si­ýa­nyň «At­wi­da­berg» to­pa­ry­ny kyn­lyk bi­len ýeň­ýär. Öz meý­dan­ça­syn­da Gerd Mül­le­riň 2 gol ge­çi­ren oý­nun­da 3–1 ha­sa­byn­da ýe­ňiş ga­zan­ýar. Ýö­ne myh­man­çy­lyk­da şol ha­sap bi­len utul­ýar. Ne­ti­je­de, ne­mes klu­bu­na 11 metrlik jerime ur­gu­la­ryn­da öňe saý­lan­mak ba­şard­ýar. Ita­li­ýa­nyň çem­pio­ny «Ýu­wen­tus» Gün­do­gar Ger­ma­ni­ýa­nyň çem­pio­ny «Di­na­mo Drez­den­den» as­gyn ge­lip, 1-nji tap­gyr­da ýa­ry­şy terk et­me­li bol­ýar. 1-nji tap­gyr­da «Sel­tik», «Klub Brýug­ge», «Di­na­mo Bu­ha­rest», «Ba­zel» ýa­ly klub­lar uly ha­sap­lar bi­len ýe­ňiş ga­zan­ýar. «Li­wer­pul­dyr» «At­le­ti­ko Mad­rid» to­par­la­ry-da 2-nji oýun­la­ryn­da ýe­ňiş ga­zan­mak bi­len 2-nji tap­gy­ra çyk­ýar­lar.
2-nji tap­gyr­da bi­ri-bi­rin­den gy­zyk­ly, dart­gyn­ly du­şu­şyk­lar ha­sa­ba alyn­ýar. «Ba­wa­ri­ýa» Gün­do­gar Ger­ma­ni­ýa­nyň we­ki­li «Di­na­mo Drez­den» bi­len du­şuş­ýar. Mün­hen­dä­ki oýun ýer eýe­le­ri­niň peý­da­sy­na 4–3 ta­mam­lan­ýar. Jo­gap du­şu­şy­gy bol­sa deň­lik­de gu­tar­ýar. Drez­den­dä­ki du­şu­şyk­da Hoý­ness 2, Mül­ler 1 ge­zek ta­pa­wut­lan­ýar. Soň­ky çem­pi­on «Aýaks» öz meý­dan­ça­syn­da «SSKA So­fi­ýa­ny» 1–0 ut­sa-da, jo­gap oý­nun­da goş­ma­ça wagt­dan soň 2–0 as­gyn gel­ýär. «Klub Brýug­ge» Bel­gi­ýa­da «Ba­ze­li» 2–1 ýeň­ýär. Çe­ke­le­şik­li ge­çen jo­gap oý­nun­da bolsa 6–4 utu­lyp, ýa­ryş­dan çyk­ýar. Şol san­da «Ben­fi­ka», «Li­wer­pul» ýa­ly klub­lar üçi­nem 2-nji tap­gyr soň­ky du­ral­ga bol­ýar.
Çär­ýek fi­nal­da 2-nji tap­gy­ryň, hat­da ge­çen möw­sü­miň çär­ýek fi­nal­çy­lary «Spar­tak Trna­wa» bi­len «Uý­peşt Do­ža» du­şuş­ýar. Iki ýer­dä­ki oýun­da bir­meň­zeş ne­ti­je ha­sa­ba alyn­ýar (1–1). Pe­nal­ti­ler­de us­sat­lyk gör­ke­zen wen­ger to­pary «Uý­peşt Do­ža» yz­ly-yzy­na 3-nji çär­ýek fi­na­lyn­dan soň, ady­ny iň go­wy dört­lü­giň ha­ta­ry­na ýaz­dyr­ýar. «Ba­wa­ri­ýa» öz meý­dan­ça­syn­da Tors­tens­so­nyň (2), Bek­ken­baue­riň hem-de Mül­le­riň gol­la­ry bi­len «SSKA So­fi­ýa­ny» 4–1 ut­ýar. Ne­mes klu­by jo­gap du­şu­şy­gyn­da 2–1 ýe­ňil­se-de, il­kin­ji ge­zek ýa­rym fi­na­la çyk­ma­gy ba­şar­ýar. «Ba­zel» Ott­mar Hitz­fel­diň 2 gol ge­çi­ren oý­nun­da «Sel­ti­gi» 3–2 ýeň­ýär. Ýö­ne jo­gap oý­nun­da Ken­net Dalg­li­şiň ýol­baş­çy­ly­gyn­da «Sel­tik» 4–2 ýe­ňiş ga­za­nyp, 4-nji ge­zek ýa­rym fi­nal­çy bol­ýar. Beý­le­ki ýa­rym fi­nal­da-da «At­le­ti­ko Mad­rid» myh­man­çy­lyk­da «Srwe­na Zwez­da­ny» Ara­go­nes we Ga­ra­te­niň gol­la­ry bi­len 2–0 ýeň­ýär. Jo­gap du­şu­şy­gy bol­sa gol­suz ta­mam­lan­ýar.

ILKINJI FINALÇYLAR
Ýa­rym fi­nal­da «Ba­wa­ri­ýa» to­pa­ry «Uý­peşt Do­ža­ny» 1–1 we 3–0 ha­sap­lar bi­len gu­ta­ran 2 oýun­dan soň ýe­ňip, il­kin­ji ge­zek fi­na­la çyk­ýar. Kon­ni Tors­tens­son her oýun­da 1 gol ge­çir­ýär. Şot­lan­di­ýa­da deň­me-deň oý­nan «At­le­ti­ko» bi­len «Sel­ti­giň» 2-nji du­şu­şy­gyn­da ýer eýe­le­ri 2–0 ýe­ňiş ga­zan­ýar. Gol­la­ry Ga­ra­te bi­len Ade­lar­do der­we­zä gi­riz­ýär.

FINAL 2 GEZEK OÝNALÝAR
Il­kin­ji ge­zek fi­na­la çy­kan 2 to­pa­ryň «Ba­wa­ri­ýa» bi­len «At­le­ti­ko Mad­ri­diň» ara­syn­da­ky aý­gyt­laý­jy du­şu­şyk 1974-nji ýy­lyň 15-nji ma­ýyn­da Bel­gi­ýa­nyň paý­tag­ty Brýus­sel­dä­ki «Heý­zel» sta­dio­nyn­da oý­nal­ýar. 49 müň jan­kö­ýe­riň to­ma­şa eden oý­nun­da bel­gi­ýa­ly Wi­tal Lo­rau jür­le­wük çal­ýar. Oý­nuň esa­sy wag­tyn­da ha­sap açyl­ma­ýar. Oý­nuň 114-nji mi­nu­tyn­da Lu­is Ara­go­nes je­ri­me ur­gu­syn­dan ha­sa­by aç­ýar. Du­şu­şy­gyň iň soň­ky mi­nu­tyn­da-da ha­sap deň­len­ýär. Ýag­ny 120-nji mi­nut­da ne­mes to­pa­ry­nyň go­rag­çy­sy Han-Georg Şwar­zen­bek ha­sa­by deň­le­me­gi ba­şar­ýar. Ne­ti­je­de, oýun 1–1 deň­lik­de gu­tar­ýar we tä­ze­den oý­nal­ma­ly edil­ýär. Adat­ça fi­nal du­şu­şyk­la­ry üçin deň­lik bo­lan ýag­da­ýyn­da 11 metrlik jerime ur­gu­la­ry soň düz­gü­ne gi­ri­zil­ýär. Fi­nal du­şu­şy­gy 2 gün­den soň, gaý­ta­dan oý­nal­ýar. Şol bir sta­di­on­da oý­na­lan du­şu­şy­ga bu ge­zek baş­ga bir bel­gi­ýa­ly emin – Alf­red Del­kur emin­lik ed­ýär. Du­şu­şy­ga-da 23283 jan­kö­ýer to­ma­şa­çy hök­mün­de gat­naş­ýar. Bu ge­zek­ki oýun­da ne­mes to­pa­ry uly ha­sap bi­len ýe­ňiş ga­zan­ýar. Ýyl­dyz fut­bol­çy­la­ry Uli Hoý­ness (28, 83) we Gerd Mül­le­riň (58, 71) her­si­niň 2 go­ly bi­len 4–0 ha­sa­byn­da ýeň­şi­ni baý­ram eden «Ba­wa­ri­ýa» il­kin­ji ge­zek bu ar­zy­ly ku­bo­gy eýe­le­ýär. Şeý­le­lik­de, UEFA-da tä­ze uly klub eme­le gel­ýär we bu «Ba­wa­ri­ýa­nyň» ýe­ňiş­li ta­ry­hy­nyň baş­lan­gy­jy bol­ýar. To­pa­ryň ýyl­dy­zy Gerd Mül­ler 8 gol bi­len 2-nji ge­zek ýa­ry­şyň iň ne­ti­je­li fut­bol­çy­sy bol­ma­gy ba­şar­ýar.

NEMES FUTBOLY ÜÇIN
ÝATDAN ÇYKMAJAK ÝYL
Ýe­ri ge­len­de aýt­sak, şol ýyl Gün­ba­tar Ger­ma­ni­ýa­da ge­çi­ri­len Dün­ýä Ku­bo­gyn­da-da ne­mes­le­riň ýy­gyn­dy­sy ýe­ňiş ga­zan­ýar. Sepp Ma­ýer, Pol Braýt­ner, Georg Şwar­zen­bek, Frans Bek­ken­bauer, Uli Hoý­ness hem-de Gerd Mül­ler da­gy 1974-nji ýyl­da go­şa çem­pi­on­lyk ga­zan­ýar. Şeý­le-de, şol wagt­ky UEFA Ku­bok­çy­la­ryň Ku­bo­gyn­da-da Gün­ba­tar Ger­ma­ni­ýa­nyň we­ki­li «Mag­de­bur­gyň» çem­pi­on bol­ma­gy bi­len 1974-nji ýyl ne­mes fut­bo­ly üçin ýat­dan çyk­ma­jak ýyl­la­ryň bi­ri bol­ýar.