Angliýanyň “Çelsi” topary “Baýeriň” germaniýaly ýarymgoragçysy Kai Hawerts bilen 5 ýyllyk şertnama baglaşdy. Londonlylar bu transfer üçin 72 million ýewrony “Baýer” klubuna berer. Bu bolsa “Çelsiniň” taryhyndaky iň gymmat transfer hökmünde hasaba alyndy. Ozaly rekord ispaniýaly derwezeçi Kepa Arrizabalaga degişli bolup, “Çelsi” ony “Atletik Bilbaodan” 71,6 million ýewro baha transfer edipdi. “Çelsiň” şu transfer möwsüminde hataryna goşan oýunçylary üçin eden çykdajysy 200 million funt sterlingden geçdi. “Çelsi” Hawertsden ozal, Hakim Ziýeşi (37 miilion funt sterling), Timo Werneri (47,5 million funt), Ben Çilwelli (50 million funt) transfer edipdi. Tiago Silwany bolsa, tölegsiz düzümine goşupdy.
