Ispaniýaly meşhur artist, oskarly aktrisa Penelope Kruz “L’immensita” atly filmde baş keşbi janlandyrar. Filme Emanuele Krialese režissýorlyk eder. Filmdäki wakalar 1970-nji ýyllarda Rimde bolup geçýär. Ekran eserinde Klara atly zenanyň öz çagalaryna bolan çäksiz söýgüsi barada gürrüň berilýär. Geljek ýylyň tomsunda surata düşürilip başlanjak filmi “Pathe Films” kompaniýasy kinoteatrlara ýaýradar.
