Ku­weý­tiň tä­ze Emi­ri

Mi­ras­dü­şer şa­za­da Şeýh Na­waf Al-Ah­med Al-Ja­ber Al-Sa­bah Ku­weýt Döw­le­ti­niň tä­ze Emi­ri bol­dy. Bu ba­ra­da Mi­nistr­ler Ge­ňe­şi­niň 29-njy sent­ýabr­da ge­çi­ren gys­sag­ly mas­la­ha­tyn­dan soň, köp­çü­li­ge mä­lim edi­ldi.
Şeý­le­lik­de, Ku­weý­tiň 91 ýaş­ly Emi­ri Şeýh Sa­bah Al-Ah­med Al-Ja­ber Al-Sa­bah ara­dan çy­kan­dan soň, Emi­riň we­zi­pe­si onuň ini­si şa­za­da Na­wa­fa geç­di. Mi­nistr­ler Ge­ňe­şi öz be­ýa­na­tyn­da Şeýh Sa­ba­hyň ABŞ-da ara­dan çy­kan­dy­gy­ny ha­bar ber­di. Şeýh Sa­bah Ku­weý­ti 2006-njy ýyl­dan bä­ri do­lan­dy­ryp, 50 ýyl­dan gow­rak wagt bä­ri ýur­duň da­şa­ry sy­ýa­sat eda­ra­sy­na ýol­baş­çy­lyk et­di. Emi­riň ara­dan çyk­ma­gy bi­len bag­la­ny­şyk­ly ýurt­da 40 gün­lük ýas yg­lan edi­lip, mil­li baý­dak­lar üç gün­läp aşak dü­şü­ril­di. Ku­weý­tiň Kons­ti­tu­si­ýa­sy­na la­ýyk­lyk­da, Emir ara­dan çy­kan­dan soň, yg­ty­ýar­lyk tag­tyň mi­ras­dü­şe­ri­ne geç­ýär.
Şeýh Na­waf 1937-nji ýy­lyň 25-nji iýu­nyn­da Ku­weýt­de do­gul­dy we dün­ýä­niň iň gar­ry döw­let iş­gär­le­rin­den bi­ri bo­lan aga­sy şeýh Sa­bah­dan se­kiz ýaş ki­çi­dir. Tä­ze Emir 2006-njy ýyl­da ýur­dy do­lan­dy­ry­jy maş­ga­la­nyň ra­zy­ly­gy bi­len tag­tyň mi­ras­dü­şe­ri ady­na eýe bol­dy. Şeýh Na­waf mun­dan ozal, hö­kü­met­de bir­nä­çe mö­hüm ýol­baş­çy we­zi­pe­ler­de iş­le­di, 1990-njy ýyl­lar­da Ku­weý­tiň go­ran­mak mi­nist­ri bol­dy. Mil­li gwar­di­ýa ýol­baş­çy­lyk et­di, içe­ri iş­ler mi­nistr­li­gi­niň ýol­baş­çy­sy, Prem­ýer-mi­nist­riň orun­ba­sa­ry ýa­ly we­zi­pe­ler­de iş­le­di. Onuň 4 og­ly we 1 gy­zy bar. Şeýh Na­waf 30-njy sent­ýabr­da mil­li Mej­lis­de ka­sam ka­bul edip, we­zi­pe­si­ne gi­riş­di.