Hä­zir­ki wagt­da Ýew­ro­pa­da 130 tö­we­re­gi geo­ter­mik elekt­rik be­ket­le­ri iş­läp, bu ge­çen ýy­la ga­ra­nyň­da, 5% köp­dür. Bu sa­nyň 5-8 ýyl­dan ýe­ne-de iki es­se art­ma­gy­na ga­ra­şyl­ýar. De­mir­ga­zyk Ýew­ro­pa­nyň gün­ba­ta­ryn­da ýer­leş­ýän Is­lan­di­ýa­da eý­ýäm, köp ýyl­lar­dan bä­ri Ýe­riň jüm­mü­şin­dä­ki ýy­ly­lyk ener­gi­ýa­sy­ny ulan­mak mak­sa­dy bi­len bu­raw iş­le­ri ge­çi­ril­ýär. Hä­zir­ki wagt­da ýew­ro­pa­ly alym­lar bu ýur­duň çäk­le­rin­de tä­ze teh­no­lo­gi­ýa­la­ry sy­nag­dan ge­çir­ýär­ler. Nes­ýa­wed­lir geo­ter­mik elekt­rik be­ke­di ener­gi­ýa ön­dür­mek bo­ýun­ça ýurt­da öň­dä­ki or­ny eýe­le­ýän iri be­ket­le­riň bi­ri­dir. Ol ýyl­da ortaça, 120 MWt elekt­rik ener­gi­ýa­sy­ny ön­dür­ýär. Bu­raw iş­le­ri köp­lenç tä­ze ýa­tak­la­ry ýü­ze çy­kar­mak mak­sa­dy bi­len ge­çi­ril­ýär. Ýe­riň jüm­mü­şin­dä­ki gyz­gyn­lyk aşa ýo­ka­ry ba­syş­da bo­lup, 460 de­re­jä çen­li ýe­tip bil­ýär.
Şu gün­ki gün­de Is­lan­di­ýa ga­zy­lyp alyn­ýan ýan­gyç­la­ry elekt­rik çeş­me­si hök­mün­de ulan­ma­gy­ny do­ly bes et­di. Ýur­duň elekt­rik ener­gi­ýa­sy­nyň 75%-ini gid­roe­lekt­rik be­ket­le­ri üp­jün ed­ýär. Geo­ter­mik ener­gi­ýa olar­dan soň ikin­ji ýer­de dur­ýar. Is­lan­di­ýa­nyň iş­jeň wul­kan­ly se­bit­de ýer­leş­ýän­di­gi se­bäp­li ýurt geo­ter­mik çeş­me­le­re baý­dyr. Ýe­ras­ty ýy­ly­lyk çeş­me­le­ri geo­ter­mik be­ket­ler ar­ka­ly ula­nyl­ýar. Mag­lu­mat­la­ra gö­rä, Is­lan­di­ýa­da jaý­la­ryň 10-dan 9-sy geo­ter­mik çeş­me­ler bi­len gyz­dy­ryl­ýar.

Gyzykly bolup bilerЕЩЕ ОТ АВТОРА