Golliwudyň meşhur ýyldyzlaryndan, tanymal aktrisa Skarlett Ýohansson çilili režissýor Sebastian Lelionyň täze kinosynda baş keşni janlandyrar. “Gelin” (Bride) atly bu filme “Apple” hem-de “A24” kompaniýalary hemaýatkärlik ederler. Filmiň ssenarisini Loren Şuker Blum bilen Rebekka Angelo bilelikde ýazarlar. Filmiň surata düşüriliş işlerine öňümizdäki ýyl badalga berler. Köpleriň sabyrsyzlyk bilen garaşýan film “The Bride of Frenkenstein” atly meşhur eseriň häzirki zaman görnüşi bolar.
