3-nji no­ýabr­da ABŞ-da äh­lu­mu­my saý­law­lar ge­çi­ril­di. Hä­zir­ki wagt­da ses­le­ri sa­na­mak iş­le­ri gyz­ga­laň­ly do­wam ed­ýär. Ame­ri­kan ad­mi­nist­ra­si­ýa­sy­nyň hä­zir­ki ýol­baş­çy­sy, res­pub­li­ka­çy Do­nald Tramp we de­mok­rat Jo­zef Baý­den döw­let baş­tu­ta­ny we­zi­pe­si­ne da­laş ed­ýär. ABŞ-nyň wi­se-pre­zi­dent­li­gi­ne da­laş­gär­ler bol­sa, Maýkl Pens we Ka­ma­la Har­ris­dir. ABŞ-da ge­çi­ri­len äh­lu­mu­my saý­law­da 35 se­na­tor, We­kil­ler pa­la­ta­sy­nyň 435 ag­za­sy, ştat­la­ryň we se­bit­le­riň 13 hä­ki­mi we ýer­li hä­ki­mi­ýet­ler saý­lan­dy. Hä­zir­ki saýlawlarda Jo­zef Baý­den öň­de bar­ýar. Ýe­ňiş ga­zan­mak üçin pre­zi­dent­li­ge da­laş­gär 270 saý­law we­ki­li­niň se­si­ni al­ma­ly. Bir­nä­çe ştat­lar­da bol­sa, ses be­riş­li­giň ne­ti­je­le­ri he­niz bel­li däl. Pre­zi­dent saý­law­la­ry­nyň ne­ti­je­le­ri bo­ýun­ça ka­sam ka­bul ediş­lik da­ba­ra­sy 2021-nji ýy­lyň 20-nji ýan­wa­ry­na me­ýil­leş­di­ril­ýär.
Jo­zef Baý­den saý­la­nan ha­la­tyn­da, ABŞ-nyň ta­ry­hyn­da ýurduň iň gar­ry Pre­zi­den­ti bo­lar we 78 ýa­şyn­da Pre­zi­dent we­zi­pe­si­ne gi­ri­şer. Şeý­le-de ABŞ-nyň wi­se-pre­zi­den­ti we­zi­pe­si­ne da­laş­gär Ka­ma­la Har­ris bellenen ha­la­tyn­da, bu we­zi­pe­de il­kin­ji ze­nan bo­lar. Bu ABŞ-nyň ta­ry­hyn­da 70 ýaş­dan ge­çen res­pub­li­ka­çy we de­mok­rat da­laş­gär­le­riň il­kin­ji Pre­zi­dent saý­la­wy­dyr. Bu saý­law­lara 165 mil­li­on ame­ri­ka­ly (72,1 gö­te­rim) gat­na­şyp, ABŞ-nyň ta­ry­hy­na gir­di.
ABŞ-nyň Kons­ti­tu­si­ýa­sy­nyň ikin­ji mad­da­sy­na la­ýyk­lyk­da, ABŞ-nyň Pre­zi­den­ti we­zi­pe­si­ne dalaşgärlik etmek üçin ýaşy 35-den ýokary bolan, ABŞ-da doglan we ýur­duň çäk­le­rin­de azyn­dan 15 ýyl ýa­şan ABŞ-nyň ra­ýa­ty bol­ma­ly.

Gyzykly bolup bilerЕЩЕ ОТ АВТОРА