Ýo­ka­ry ka­zy­ýe­tiň başlygy bol­dy. ABŞ-nyň Se­na­ty ta­ra­pyn­dan Emi Kon­ni Bar­rett sent­ýabr aýyn­da ara­dan çy­kan ka­zy Rut Ginz­bur­gyň or­nu­na ABŞ-nyň Ýo­ka­ry ka­zy­ýe­ti­niň başlygy we­zi­pe­si­ne bel­len­di. Emi Kon­ni Bar­ret­tiň Pre­zi­dent saý­law­la­ryn­dan bir hep­de öň, bu we­zi­pä bel­le­nil­me­gi Do­nald Tram­pyň we Res­pub­li­ka­çy­la­ryň sy­ýa­sy ýeň­şi ha­sap­lan­ýar. Ka­sam ka­bul ediş da­ba­ra­syn­da Bar­rett ýur­duň bäh­bi­di üçin iş­le­jek­di­gi­ne ynan­dyr­dy. Ýo­ka­ry ka­zy­ýet­de köp­lenç hu­kuk, jem­gy­ýet­çi­lik we sy­ýa­sy me­se­le­le­r çö­zül­ýär.

508 mil­li­on ýew­ro bö­lüp ber­di. Ýew­ro­pa Ko­mis­si­ýa­sy sag­lyk pu­da­gyn­da 75 in­no­wa­si­ýa tas­la­ma­sy­ny ma­li­ýe­leş­dir­mek mak­sa­dy bi­len 508 mil­li­on ýew­ro bö­lüp ber­mek ba­ra­da ka­ra­ra gel­di. Bu mag­lu­mat­lar Ýew­ro­pa Ko­mis­si­ýa­sy­nyň in­ter­net sa­hy­pa­syn­da ýer­leş­di­ril­di. 75 tas­la­ma 58 ýurt­dan 1158 hü­när­me­niň gat­naş­ma­gy­na ga­ra­şyl­ýar. Ýew­ro­pa Ko­mis­si­ýa­sy bu ma­ýa go­ýum­la­ry­nyň san­ly di­ag­nos­ti­ka­ny ös­dür­mä­ge, şeý­le hem düw­nük, beý­ni we beý­le­ki ke­sel­le­riň öňü­ni al­ma­ga hem-de be­jer­me­giň tä­ze usul­la­ry­ny tapmaga kö­mek et­jek­di­gi­ne ynan­ýar.

Aşa­ky pa­la­ta­nyň saý­law­la­ry. Ga­za­gys­ta­nyň Pre­zi­den­ti Ka­sym-Žo­mart To­ka­ýew Mej­li­siň aşa­ky pa­la­ta­sy­na saý­law­la­ryň se­ne­sini bel­le­mek ba­ra­da­ky ka­ra­ra gol çek­di. Ka­ra­ra la­ýyk­lyk­da, par­ti­ýa sa­naw­la­ry bi­len saý­la­nan Mej­li­siň de­pu­tat­la­ry­nyň saý­law­la­ry 2021-nji ýy­lyň 10-njy ýan­wa­ryn­da ge­çi­ri­ler. Ga­za­gys­ta­nyň Halk As­samb­le­ýa­sy ta­ra­pyn­dan saý­la­nan Mej­li­siň de­pu­tat­la­ry­nyň saý­law­la­ry bol­sa, 2021-nji ýy­lyň 11-nji ýan­wa­ry­na me­ýil­leş­di­ril­ýär. – Mer­ke­zi saý­law to­pa­ry saý­law­la­ryň aç-açan we ada­lat­ly­ geçirilişine yzy­gi­der­li gö­zeg­çi­lik eder – di­ýip, Pre­zi­dent Kasym-Žo­mart To­ka­ýew bel­le­di.

Ýe­ne bir möh­le­te saý­lan­dy. Kot-d’Iwua­ryň hä­zir­ki Pre­zi­den­ti, 78 ýaş­ly Alas­sa­n Uat­ta­ra, 31-nji okt­ýabr­da ge­çi­ri­len Pre­zi­dent saý­law­la­ryn­da ýe­ňiş ga­za­nyp, ýe­ne bir möh­le­te saý­lan­dy. Ýur­duň saý­law to­pa­ry Alas­san Uat­ta­ra­nyň ses­le­riň 94,27 gö­te­ri­mi­ne eýe bo­lan­dy­gy­ny ha­bar ber­di. Saý­law­la­ra ýe­ne üç da­laş­gär gat­naş­dy. Saý­law býul­le­ten­le­rin­de ga­raş­syz sy­ýa­sat­çy Kwa­dio Ko­nan Ber­tin, öň­ki Pre­zi­dent An­ri Ko­nan Bed­ýe we öň­ki Prem­ýer-mi­nistr Pas­kal Af­fi N’Ges­san bar.

Şon Kon­ne­ri ara­dan çyk­dy. 31-nji okt­ýabr­da meş­hur akt­ýor Şon Kon­ne­ri Ba­gam ada­la­ryn­da 90 ýa­şyn­da ara­dan çyk­dy. Şot­lan­di­ýa­ly akt­ýor we prod­ýu­ser Şon Kon­ne­ri 70 film­de baş keş­bi jan­lan­dyr­dy. Ol Jeýms Bon­duň keş­bi bi­len uly meş­hur­lyk ga­zan­dy. Konneri bu keş­biň il­kin­ji ýe­ri­ne ýe­ti­ri­ji­si bol­dy we «Agent 007» hak­da ýe­di film­de su­ra­ta düş­di. 1988-nji ýyl­da Şon Kon­ne­ri «Os­kar» baý­ra­gy­na eýe bol­dy. Şeý­le hem üç ge­zek BAF­TA, iki ge­zek «Al­tyn glo­bus» baý­ra­gy­na mynasyp bolan Konneri 2000-nji ýyl­la­ryň ba­şyn­da akt­ýor­çy­lyk kar­ýe­ra­sy­ny ta­mam­la­dy.

Ho­wa men­zi­li açyl­dy. Ber­lin­de gur­lu­şy­gy 14 ýyl­lap do­wam eden tä­ze Hal­ka­ra ho­wa men­zi­li açyl­dy. Ol Wil­li Brandt adyn­da­ky Ber­lin-Bran­den­burg ho­wa men­zi­li ady­ny al­dy. Tä­ze ho­wa men­zi­li­niň gur­lu­şy­gy 2006-njy ýy­lyň 5-nji sent­ýab­ryn­da baş­la­nyp­dy. Şu döw­rüň için­de onuň gur­lu­şy­gy­na 6 mil­liard ýew­ro sarp edil­di. Ho­wa men­zi­li açyl­ma­zyn­dan ozal, Ber­lin­de iki ho­wa men­zi­li iş­le­ýär­di: 1946-njy ýyl­da gur­lan Şýo­ne­feld we 1948-nji ýyl­dan bä­ri iş­le­ýän Te­gel. Şýo­ne­feld in­di res­mi taý­dan ýa­pyl­dy. Te­gel hem ýa­py­lar, ol ýer­den soň­ky uçuş 8-nji no­ýabr­da ama­la aşy­ry­lar.

Pan­da mu­ze­ýi açy­lar. Ýa­kyn gün­ler­de Si­çu­an we­la­ýa­ty­nyň mer­ke­zi Çen­du­da äpet pan­da­la­ra ni­ýet­le­nen tä­ze mu­zeý açy­lar. Tä­ze mu­ze­ýiň gur­lu­şy­gy 2019-njy ýyl­da baş­lan­dy. 1992-nji ýyl­da şä­her­de pan­da­la­ryň te­bi­gy me­ka­nyn­da­ky dur­mu­şy­ny gör­kez­ýän dün­ýä­niň il­kin­ji te­ma­ti­ki mu­ze­ýi açy­lyp­dy. Gur­lu­şy­gy­nyň meý­da­ny 7179 ine­dör­dül met­re deň bo­lan tä­ze mu­zeý yl­my çä­re­ler, ser­gi­ler we yl­my barlaglar üçin ni­ýet­le­nen­dir. Mu­ze­ýiň ga­py­la­ry 2021-nji ýy­lyň ba­şyn­da res­mi taý­dan açy­lar.

Gyzykly bolup bilerЕЩЕ ОТ АВТОРА