Hytaý Aýdan daş we toprak nusgalyklaryny getirmek üçin adamsyz kosmos gämisini uçurdy. Bu maksat bilen uçurylan “Chang’e 5” kosmos gämisiniň uçuşynyň şowly bolandygy mälim edildi. Gäminiň üç günden Aýa baryp ýetjekdigi aýdyldy. Kosmos gämisi Aýyň ýüzünden 2 kilograma töweregi topragy gazyp alar we Ýere getirer. Mundan ozal ABŞ we Russiýa Aýyň topragyny getiripdi. Geçen ýyl Hytaý “Chang’e 4” atly robot enjamyny Aýyň garaňky tarapyna gondurypdy. Şondan öň Ýeriň hemrasynyň garaňky tarapyna hiç hili enjam gondurylmandy.
