Kosmosa söwda maksatly uçuşlary ýola goýmagy maksat edinýän “Virgin Galactic” kompaniýasy gämini dolandyrjak pilotlaryň eşiklerini tanyşdyrdy. Kompaniýa indiki ýylyň birinji çärýeginde kosmos syýahatçylygyny ýola goýar. Synag maksatly ilkinji uçuş şu aýyň 11-ne Nýu-Meksiko ştatyndan amala aşyrylar. “Virgin Galactic” gämisini 8 adamly ekipaž dolandyrar. Kompaniýa kosmos gämisini dolandyrýanlaryň eşiginiň agramynyň 1 kilogram töweregidigini belledi. Iňlis işewüri Riçard Bransonyň ýolbaşçylyk edýän “Virgin Galactic” gämisi 90 minutlyk kosmos syýahatyny ýola goýar. Her bir petegiň bahasynyň 250 müň dollardygy mälim edildi. Häzire çenli 600 petegiň satylandygy habar berildi. Bransonyň özi hem ilkinji uçuşa gatnaşmaga taýýarlanýar.
