Ýewropanyň öňdebaryjy çempionatlarynyň nobatdaky tapgyrynda futbol janköýerlerinde ýene-de biri-birinden gyzykly bolar diýlip çaklanylýan duşuşyklar garaşýar. Hepdäniň şenbe günki (19-njy dekabr), ýagny ertirki oýunlara seredenimizde, Angliýada sanawyň lideri “Liwerpul” myhmançylykda “Kristal Palas” bilen duşuşar. 4-nji hatarda barýan “Southempton” bolsa, çempionatyň güýçli klublaryndan “Mançester Sitini” kabul eder. Ýeňiş gazanmanyna köp wagt geçen “Arsenal” öňdäki orunlara ymtylýan “Ewerton” bilen myhmançylykda duşuşar. Günüň beýleki 2 esasy duşuşygynda Germaniýanyň “Bundesligasynda” 1–2-nji ýerlerdäki 2 toparyň “Baýer” bilen “Bawariýanyň” arasyndaky oýun hem esasy duşuşyk bolar (22:30). Ispaniýada-da tapgyryň iň esasy oýnunda Barselona öz meýdançasynda 20:15-de başlanjak oýunda “Walensiýany” kabul eder. Italiýada-da günüň esasy oýnunda “Parma” bilen “Ýuwentus” özara güýç synanayşar (00:45). Ady agzalan soňky 3 duşuşyk “Türkmenistan” sport” teleýaýlymynda görkeziler.
20-nji dekabrda, ýagny ýekşenbe güni oýnaljak duşuşyklarda-da köpleriň ünsüni özüne çekýän oýunlar bar. Aýratynam Italiýanyň “A-Seriýasynda” sanawyň ýeňlişsiz lideri “Milan” myhmançylykda “Sassuolo” bilen duşuşar (19:00). 22:00-da başlanjak “Atalanta” bilen “Romanyň” hem-de 00:45-de bat aljak “Lasio” bilen “Napoliniň” arasyndaky oýunlar “Türkmenistan sport” teleýaýlymynda ýaýlyma berler.
Angliýada “Premier Ligasynda” “Tottenham”–“Lester Siti”, “Mançester Ýunaýted”–“Lids Ýunaýted” duşuşyklary-da günüň esasy oýunlary hökmünde görülýär. Fransiýanyň çempionaty “Ligue 1-“de sanawyň iň ýokary basgançagyny gyzyklandyrýan, hatda üýtgedip biljek duşuşykda 1-nji ýerdäki “Lill” 2-nji basgançakdaky PSŽ-ni kabul eder (01:00).
Ispaniýa yzygiderli ýeňişler gazanyp başlan tapgyry myhmançylykda “Eýbar” bilen geçirer.
19-njy DEKABR:
Kristal Palas–Liwerpul (17:30)
Southempton–Man. Siti (20:00)
Reýnjers–Mozerwell (20:00)
Barselona–Walensiýa (20:15)
Ewerton–Arsenal (22:30)
Baýer–Bawariýa (22:30)
Parma-Ýuwentus (00:45)
20-nji DEKABR:
Sassuolo–Milan (19:00)
Tottenham–Lester (19:15)
M. Ýunaýted–Lids (21:30)
Atalanta–Roma (22:00)
Wolfsburg–Ştutgart (22:00)
PAOK–Panatinaikos (22:30)
Lasio–Napoli (00:45)
Eýbar–Real Madrid (01:00)
Lill–PSŽ (01:00)
