Demirgazyk we Merkezi Amerika hem-de Karibler futbol konfederasiýasynyň (CONCACAF) Çempionlar ligasynyň finalynda Meksikanyň “UANL Tigres” kluby çempion boldy. Meksikan topary ABŞ-nyň Orlando şäherinde oýnalan finalda “Los Anjeles FK” toparyndan 2–1 üstün çykdy. 61-nji minutda Diego Rossiniň goly bilen amerikanlar öňe saýlansalar hem olara üstünligini saklamak başartmady. 72-nji minutda Hugo Aýala hem-de 84-nji minutda Andre-Pier Žinýak tapawutlanyp, “Tigres” klubuna ýeňiş getirdi. Şeýlelikde, “UANL Tigres” kluby taryhynda ilkinji gezek KONKAKAF Çempionlar ligasynyň kubogyna mynasyp boldy. Topar 2016-njy, 2017-nji hem-de 2019-njy ýyllarda finalda utulypdy.
