Dünýä belli animasiýa öndüriji “Pixar” kompaniýasynyň täze ekran eseri “Ruh” (Soul) şu günden başlap, ýagny 25-nji dekabrdan “Disney+” platformasynda görkezilip ugrady. Ilkinji gezek şu ýylyň oktýabrynda London film festiwalynda görkezilen animasiýany kompaniýanyň belli režissýory Pit Dokter surata düşürdi. Jazz aýdym-sazy boýunça sazanda bolmagy arzuw edýän aýdym-saz mugallymynyň başdan geçiren wakalary barada gürrüň berýän animasiýanyň gahrymanlaryna Jeými Foks, Tina Feý, Kuestlaw, Filisia Raşad, Dawid Diggs, Anjela Bassett ýaly artistler ses berdi. “Pixar” kompaniýasy animasiýanyň önümçiligi üçin 150 million dollar çykdajy etdi. Aslynda kinoteatrlarda görkezilmek üçin (multfilm iýun aýynda kinoteatrlarda görkezilmelidi) taýýarlanan animasiýa dünýäde emele gelen çylşyrymly ýagdaýlar sebäpli “Disney+” platformasynda ýaýlyma berildi.
Ady: “Ruh” (Soul)
Režissýory: Pit Dokter
Ses berenler: Jeými Foks, Tina Feý, Kuestlaw, Filisia Raşad, Dawid Diggs, Anjela Bassett
Prodýuseri: Dana Mýurreý
Ssenariçileri: Pit Dokter, Maýk Jons, Kemp Pawers
Kompozitorlary: Trent Reznor, Attikus Ross
Öndüriji: “Walt Disney Pictures”, “Pixar Animation Studios”
Paýlaýjy: “Walt Disney Studios Motion Pictures”
Görkezilip başlanan wagty: 25-nji dekabr, 2020
Dowamlylygy: 100 minut
Görnüşi: kompýuter animasiýasy, komediýa
Ýurdy: ABŞ
Dili: iňlisçe
Býujeti: 150 million $.
