1860 – Klublaryň arasyndaky ilkinji futbol duşuşygy geçirilýär. Angliýanyň Şeffild şäheriniň iki klubunyň arasyndaky bu oýunda “Hallam FK” bilen “Şeffild FK” toparlary duşuşýar.
1967 – “France Football” žurnalynyň abraýly “Ballon d’Or” baýragyna wengriýaly futbolçy Florian Albert (“Ferenswaroş”) laýyk görülýär.
1971 – Meşhur boksçy Muhammad Ali germaniýaly Ýurgen Blini Şweýsariýada geçirilen duşuşykda 7-nji raundda ýeňlişe sezewar edýär.
1972 – “France Football” žurnalynyň abraýly “Ballon d’Or” baýragyna germaniýaly Frans Bekkenbauer (“Bawariýa”) laýyk görülýär.
1986 – Fransiýaly futbolçy, meşhur derwezeçi Hugo Lloris dünýä inýär.
1990 – Uelsli futbolçy Aaron Remzi dünýä inýär
1990 – Russiýaly futbolçy Denis Çeryşew dünýä inýär.
1990 – Russiýaly küştçüleriň duşuşygynda Garri Kasparow watandaşy Anatoliý Karpowdan üstün çykyp, dünýä çempiony bolýar.
2006 – “West Ham Ýunaýtediň” meşhur hüjümçisi Teddi Şeringham “Portsmut” duşuşygynda tapawutlanyp, “Premier Ligada” gol geçiren iň ýaşuly futbolçy boldy (40 ýaş 268 gün).
