Ýaponiýanyň Fukuoka şäherinde ýaşaýan Kane Tanaka 118 ýaşyna aýak basdy. Ginnesiň rekordlar kitabyna görä, dünýäniň iň ýaşy uly zenany bolan Tanaka 1903-nji ýylyň 2-nji ýanwarynda dünýä inipdir. Doglan gün mynasybetli ýaponiýaly zenanyň bolýan garrylar öýünde baýramçylyk gurnaldy. Kane Tanaka 2019-njy ýylyň 9-njy martynda Ýeriň iň uzak ýaşly ýaşaýjysy hökmünde Ginnesiň rekordlar kitabyna giripdi. Şol wagt ol 116 ýyl 66 gün ýaşapdy. Köp çagaly maşgalada önüp-ösen Tanaka dokuz çaganyň ýedinjisidi. Ol 19 ýaşynda durmuşa çykypdyr.
Ginnesiň rekordlar kitabyna görä, häzirki wagtda uzak ýaşamak boýunça absalýut rekord 1997-nji ýylyň awgust aýynda aradan çykan fransuz zenany Žanna Kalmana degişli bolup, ol 122 ýyl 164 gün ömür sürdi. Ýaponiýanyň Saglygy goraýyş, zähmet we abadançylyk ministrliginiň maglumatlaryna görä, ýurtda 100 ýaşdan uly adamlaryň sany 80 müňden geçdi we olaryň 88 göterimi zenanlardyr.
