Angliýanyň Liga Kubogynda ilkinji finalçy belli boldy. “Tottenham” topary öz meýdançasynda 2-nji liganyň wekili “Brentforddan” 2-0 üstün çykdy. Londonlylary finala çykaran gollary 12-nji minutda Musa Sissoko bilen 70-nji minutda Hyn Min Son derwezä girizdi. Şeýlelikde, “Tottenham” topary 9-njy gezek Liga Kubogynyň finalynda oýnamaga hukuk gazandy. Soňky gezek 2008-nji ýylda, umumylykda-da 4 sapar kubogy eýelän “Tottenham” topary 4 gezek hem finalda utuldy. “Tottenhamyň” finaldaky garşydaşy şu gije oýnaljak Mançester derbisinden (“Mançester Ýunaýted”–“Mançester Siti”) soň belli bolar. Ýeri gelende aýtsak, Brentford topary taryhynda ilkinji gezek ýarym final duşuşygyny geçirdi.
