Dünýäniň iň gadymy futbol ýaryşy bolan Angliýanyň FA Kubogynda 4-nji tapgyryň bijeleri çekildi. 1/16 finalyň iň esasy duşuşygy “Premier Ligada” 1–2-nji orunlarda barýan “Liwerpul” bilen “Mançester Ýunaýted” klublarynyň arasynda bolar. Duşuşyk “Old Traffordda” oýnalar. Mundan öňki tapgyrda “Derbi Kauntini” ýeňip, hemmäni geň galdyran 6-njy diwiziýanyň wekili “Çorli” topary 1/16 finalda “Wulwerhempton” bilen duşuşar. Kubogyň soňky eýesi “Arsenalyň” garşydaşy “Southempton”–“Şrusberi” toparlarynyň arasyndaky oýundan soň belli bolar. “Mançester Siti” bolsa 1/8 finala çykmak ugrunda 4-nji diwiziýanyň wekili “Çeltnem” topary bilen güýç synanyşar. Şeýle-de, “Çelsi” topary 2-nji liganyň wekili “Luton” topary bilen duşuşar. 140-nji gezek geçirilýän FA Kubogynda 1/16 finalyň oýunlary 22–25-nji ýanwarda oýnalar.
1/16 finalyň duşuşyklary:
Mançester Ýunaýted – Liwerpul
Çeltnem – Mançester Siti
Bornmut – Kroli
Swansi – Nottingem Forest
Barnsli – Norwiç
Southempton/Şrusberi – Arsenal
Çorli – Wulwerhempton
Milwoll – Bristol
Braýton – Blekpul
Wikom – Tottenham
Fulham – Býornli
Şeffild Ýunaýted – Plimut
Çelsi – Luton
Stokport/West Ham – Donkaster
Brentford – Lester
Ewerton – Şeffild Wensdeý
