Ikinji gezek “Final Four” görnüşinde geçirilýän Ispaniýanyň Super Kubogy duşuşygynyň finalçylary belli boldy. “Real Sosiedady” penaltilerden soň ýeňen “Barselona” finalda “Atletik Bilboa” bilen duşuşar. Futbol janköýerleri finalda “El Klasiko” duşuşygyna garaşýardy. Ýöne bolmady. “Atletik Bilbao” Raul Garsiýanyň 18-nji hem-de penaltiden 38-nji minutlardaky gollary bilen 2-1 hasabynda ýeňip, finala çykdy. 2-nji ýarymda erjel oýun görkezen “Real Madride” Karim Benzemanyň 75-nji minutdaky goly ýeňiş üçin ýeterlik bolmady. Şunlukda, ýekşenbe güni oýnaljak finalda “Barselona” bilen Ispaniýanyň Şa Kubogynyň eýesi “Atletik Bilbao” duşuşar. Sewilýa şäherinde oýnaljak final 17-nji ýanwardan 18-ine geçilýän gije Aşgabat wagty bilen 01:00-da başlanar.
