20-nji ýanwarda ABŞ-nyň 46-njy Prezidenti Jozef Baýdeniň kasam kabul edişlik dabarasy Waşingtondaky Kapitoliý baýyrlygynda ýerleşýän Kongresiň binasynyň öňünde geçirildi.
Jozef Baýden Konstitusiýa we ýurda wepaly boljakdygy barada kasam etdi.

– Me­niň gut­lag­la­ry­my ka­bul ediň, je­nap Pre­zi­dent – di­ýip, onuň gar­şy­syn­da du­rup, ka­sam ka­bul eden ABŞ-nyň Ýo­ka­ry ka­zy­ýe­ti­niň baş­ly­gy Jon Ro­berts aýt­dy.
Ka­sam ka­bul ediş da­ba­ra­sy­na ýur­duň öň­ki Pre­zi­dent­le­ri Bill Klin­ton, Jorj Buş, Ba­rak Oba­ma, şeý­le-de öň­ki wi­se-pre­zi­dent Maýkl Pens, 2016-njy ýyl­da pre­zi­dent­li­ge da­laş­gär Hil­la­ry Klin­ton gat­naş­dy.
Soň­ra däp-des­sur­la­ra la­ýyk­lyk­da, ABŞ-nyň 56 ýaş­ly wi­se-pre­zi­den­ti Ka­ma­la Har­ris ka­sam ka­bul et­di. Har­ris Ame­ri­ka­nyň Bir­le­şen Ştat­la­ry­nyň ta­ry­hyn­da bu we­zi­pä­ni eýe­län il­kin­ji zenan­dyr.
Jo­zef Baý­de­niň ka­sam kabul ediş da­ba­ra­syn­dan soň des­si­ne 21 sa­ny ar­til­le­ri­ýa zal­py Ka­pi­to­liý baý­ryn­da ýaň­lan­dy. Ka­sam ka­bul ediş da­ba­ra­sy gys­gal­dy­lan görnüşde we dün­ýä­de eme­le ge­len çyl­şy­rym­ly ýag­daý­lar bi­len bag­la­ny­şyk­ly howp­suz ara­lyk ka­da­la­ry­na la­ýyk­lyk­da ge­çi­ril­di. Mun­dan baş­ga-da, bu sy­ýa­sy çä­rä­ni gu­raý­jy­lar döw­let Baş­tu­ta­ny­nyň ka­sam ka­bul ediş da­ba­ra­sy my­na­sy­bet­li geçirilmegi meýilleşdirilen har­by ýö­ri­şi goý­bol­sun et­di­ler.
Da­ba­ra­da Ame­ri­ka­nyň Bir­le­şen Ştat­la­ry­nyň döw­let se­na­sy ame­ri­ka­ly bel­li aý­dym­çy Le­di Ga­ga ta­ra­pyn­dan ýe­ri­ne ýe­ti­ril­di. Şeý­le­lik bi­len, Baý­de­niň ad­mi­nist­ra­si­ýa­sy­nyň dört ýyl­lyk möh­le­ti baş­lan­dy. Bu sy­ýa­sy çä­rä 1000 tö­we­re­gi myh­man gat­na­şyp, ola­ryň kö­pü­si kong­res­men­ler­den yba­rat bol­dy.
De­mok­rat, öň­ki wi­se-pre­zi­dent, 36 ýyl Kong­re­siň ag­za­sy bo­lan Jo­zef Baý­den ge­çen ýy­lyň 3-nji no­ýab­ryn­da ge­çi­ri­len Pre­zi­dent saý­law­la­ryn­da ýe­ňiş ga­zan­dy. 78 ýaş­ly Jo­zef Baý­den iň gar­ry döw­let Baş­tu­ta­ny hök­mün­de ta­ry­ha gir­di. Ol Ka­pi­to­li­de ka­sam ka­bul edip, we­zi­pe­si­ne gi­ri­şen il­kin­ji gü­nün­de ta­ry­hy äh­mi­ýet­li bir­nä­çe mö­hüm res­mi­na­ma­la­ra gol çek­di.

Gyzykly bolup bilerЕЩЕ ОТ АВТОРА