“Real Madrid B” toparynyň ozalky futbolçysy Dawid Barral Ispaniýanyň 3-nji diwiziýasynda çykyş edýän “Inter de Madrid” klubuna transfer boldy. 37 ýaşyndaky hüjümçiniň transfer bahasy kriptopuly “Bitcoin” bilen tölener. Şeýlelikde, Barral futbolyň taryhynda kriptopul bilen transfer bolan ilkinji futbolçy hökmünde taryha girdi. Barral karýerasy boýunça “Sporting Hihon”, “Orduspor”, “Lewante”, “Al-Dafra”, “Granada”, APOEL, “Kadiz”, “Tokuşima Wortis” we soňky topary-da “Rasing” ýaly klublarda oýnady.
