Öňümizdäki tomusda “Barselona” toparyndaky şertnamasy tamamlanýan Lionel Messiniň maşgalasy bilen bilelikde fransuz dilini öwrenýändigi habar berildi. Bu barada “Canal+”-yň habarçysy Joffri Garetie habar berýär. Bu bolsa Messiniň tomusky transfer möwsüminde PSŽ klubuna gitjekdigi barada myş-myşlaryň kem-kemden hakykata golaýlaşýandygyny aňladýar. Mälim bolşy ýaly, Messi häzirlikçe “Barselona” bilen täze şertnama baglaşmady. 33 ýaşyndaky super ýyldyzyň ady PSŽ bilen bir hatarda, “Mançester Siti”, “Inter” ýaly klublar bilen agzalýar.
