Birleşen Patyşalygyň Uels sebitinde maşgalasy bilen gezelenç edýän 4 ýaşyndaky çaga dinozawryň 220 million ýyllyk aýak yzyny tapdy. Lili Wilder atly gyzjagaz Weýl of Glamorgan okrugyndaky Bendriks Beý atly kenarýakada gezelenç edýän wagty dinozawryň aýak yzy onuň ünsüni çekipdir. Lili “Kaka seret!” diýip gygyrypdyr. Liliniň kakasy Riçard gelip görse, örän arassa saklanyp galan dinozawryň aýak yzynyň bardygyny görüpdir. Riçard ony arheologlara habar beripdir. Geçirilen barlaglaryň netijesinde uzynlygy 75 santimetre barabar bolan aýak yzlarynyň 220 million ýyl ozal ýaşap geçen dinozawrlara degişlidigi anyklanypdyr. Uelsiň Milli muzeýiniň paleontology Kindi Howells täze tapylan aýak yzynyň şol kenarýakada iň gowy saklanyp galan dinozawr aýak yzydygyny belleýär.
