Ýokary tizlikli aragatnaşyk enjamlaryny öndürýän “Nokia” kompaniýasy bilen dünýäniň öňdebaryjy aragatnaşyk operatory “Vodafone” optiki internet baglanyşygynda täze tizlige ýetdi. “Vodafone” aragatnaşyk operatorynyň Germaniýadaky laboratoriýasynda geçirilen synagda internet tizligi barlanyp görüldi. Iki kompaniýanyň Passiw Optiki Tor (PON) atly tehnologiýasynyň şowly netije berendigini bellenilýär. Bu tehnologiýa arkaly sekuntda 100 gigabit tizlik hasaba alyndy. Bu tizligiň häzirki iň ýokary tizlikli tordan 40 esse ýokarydygy mälim edildi.
