BMG-nyň Baş sekretary Antonio Guterreş 5-nji fewralda maliýe maglumatlary barada habar berýän öňdebaryjy “Bloomberg” kompaniýasynyň esaslandyryjysy, Nýu-Ýorkuň öňki meri Maýkl Blumbergi BMG-niň noýabr aýynda Angliýanyň Glazgo şäherinde howanyň üýtgemeginiň ýaramaz täsirleriniň öňüni almak boýunça gurajak maslahatyna bu ugurdaky çäreleri çaltlaşdyrmak üçin ýörite howa wekili wezipesine belledi.
Blumberg Pariž şertnamasyna laýyklykda, 2050-nji ýyla çenli uglerodyň bitaraplygyny gazanmagy maksat edinýän hökümetleriň, kompaniýalaryň, şäherleriň we maliýe guramalarynyň bileleşigini güýçlendirmek boýunça bütindünýä guramasynyň başlygynyň işine goldaw berer diýlip, BMG-niň Baş sekretarynyň metbugat gullugynda aýdylýar.
Ýörite wekil dürli ýurtlaryň koronawirusa garşy göreş çäreleriniň Pariž şertnamasynyň maksatlaryna laýyk gelmegine ýardam berer. Maýkl Blumberg 2014-nji ýylda BMG-niň Baş sekretarynyň şäherler we howanyň üýtgemeginiň ýaramaz täsirleriniň öňüni almak boýunça ýörite wekili wezipesine bellendi. 2019-njy ýylda ABŞ-da geçirilen prezident kampaniýasyna gatnaşmak üçin bu wezipeden çekilipdi.
