Gresiýanyň çempionatyny “Super Ligada” “Panatinaikos” öz meýdançasynda “Olimpiakosy” 2-1 hasabynda ýeňlişe sezewar etdi. Bu ýer eýeleriniň ezeli bäsdeşini çempionatda 4 ýyldan soň ilkinji ýeňşi hökmünde hasaba alyndy. Aralykdaky 8 oýunda pireýliler ýeňiş gazanypdy. Çekeleşikli hem-de hemişekiler ýaly dartgynly geçen oýunda ýer eýelerine ýeňiş getiren gollary Maurisio (6) bilen Sankhare (73) derwezä girizdi. Myhmanlardan El Arabiniň 82-nji minutdaky goly ýeňşe ýeterlik bolmady.
Gresiýanyň çempionatynda 22 tapgyrdan soň “Olimpiakos” 57 utuk bilen 1-nji ýerde barýar. 2-nji orundaky “Arisiň” 43, 3-nji basgançakdaky “Panatinaikosyň” 41 utugy bar.
