Ýaponiýanyň oýun konsollaryny öndürýän “Nintendo” kompaniýasy dowam edýän maliýe ýylynyň dowamynda 400 milliard ýen (3,8 milliard dollara barabar) arassa girdeji gazanmaga garaşýar. Mundan ozal kompaniýa 300 milliard ýen girdejä garaşýardy. Merkezi edarasy Kýoto şäherinde ýerleşýän “Nintendo” dürli oýunlary we olara degişli enjamlary işläp taýýarlaýar. Kompaniýanyň harytlaryna bolan islegiň şu ýyl 22,3 göterim artmagyna garaşylýar. Degişli döwürde “Nintendo Switch” oýun konsolyndan 26,5 millionynyň satylmagyna garaşylýar. Mundan ozal bu görkezijiniň 24 million boljakdygy çaklanylýardy. Şeýle hem “Animal Crossing” hem-de “Mario Kart 8 Deluxe” oýunlaryna islegiň has köp isleg bildirýändigi habar berildi. Kompaniýanyň ýolbaşçysy Furukawa Şuntaro ýylyň öň ýanyndaky söwdalaşyk kampaniýalarynyň gutarandygyna garamazdan, önümlerine bolan islegiň azalmandygyny belläp, önümçilik üçin gerekli bolan ätiýaçlyk şaýlaryň üpjün edilmeginde hiç hili meseläniň ýokdugyny aýtdy.
