UEFA-nyň klub arasyndaky birinji derejeli bäsleşigi 1992-1993 möwsüminden bäri Çempionlar ligasy ady bilen geçirilip gelýär. Ýaryş diňe bir adyny üýtgetmän geçiriliş tertibini hem üýtgetdi. Şondan bäri futbol janköýerleriň iň söýgüli futbol ýaryşyna öwrülen UEFA Çempionlar ligasynyň 29-njy möwsümi dowam edýär. UEFA şol 29 möwsümiň dowamynda 20 milliard ýewrodan gowrak pul paýlady. Bu barada Italiýanyň meşhur sport gazeti “Gazzetta Dello Sport” giňişleýin habar berýär. Şol paýlanyşykda iň köp paýy soňky çempion “Bawariýa” almagy başardy. Nemes topary 988,3 million ýewro bilen bu sanawda iň öňdäki orny eýeleýär. Şol 29 möwsümde 7 gezek kubogy eýelän “Real Madrid” topary “Bawariýadan” sähelçe az gazanyp, 982,6 million ýewro bilen 2-nji orunda barýar. Sanawyň 3-nji basgançagynda “Barselona” bolup, katalonlar 940,1 million ýewro paý alypdyrlar. 893,5 million ýewro bilen “Ýuwentus” 4-nji, 744,9 million ýewro alan “Mançester Ýunaýted” 5-nji ýeri eýeleýär.
UEFA Çempionlar ligasynyň iň köp pul gazanan 15 topary:
Bawariýa – 988,3 million ýewro
Real Madrid – 982,6 million ýewro
Barselona – 940,1 million ýewro
Ýuwentus – 893,5 million ýewro
Man. Ýunaýted – 744,9 million ýewro
Çelsi – 705,8 million ýewro
PSŽ – 628,8 million ýewro
Arsenal – 549,5 million ýewro
Man. Siti – 544,2 million ýewro
Liwerpul – 523,9 million ýewro
Atletiko Madrid – 505,1 million ýewro
Lion – 501,6 million ýewro
Borussiýa D – 483,7 million ýewro
Roma – 434 million ýewro
Porto – 411,7 million ýewro
