Hünärmenler Awstraliýanyň günbataryndaky Kimberli sebitindäki daglyk ýerde irki döwürlerde daşyň ýüzüne çekilen suratlaryň üsti açdylar. Gowagyň petigine çekilen kengurunyň suratynyň ululygy 2 metre barabar. Geçirilen barlagda bu suratyň 17 müň 300 ýyl ozal çekilendigi anyklandy. Şeýle hem bu çyzgylaryň Awstraliýadaky iň gadymy gowak suratlarydygy mälim edildi. Günbatar Awstraliýa uniwersitetinde zähmet çekýän doktor Swen Uzman bu surat bilen beýleki sebitlerdäki gadymy sungatyň arasynda baglanyşygyň bolup biljekdigini mälim etdi. Doktor Uzman kengurunyň Günorta-Gündogar Aziýa adalaryndaky 40 müň ýyl ozalky suratlara meňzeýändigine ünsi çekip, munuň şolaryň arasynda medeni gatnaşyklaryň bolandygyny alamatlandyrýandygyny aýtdy. Şu ýylyň başynda hünärmenler Indoneziýanyň Sulawesi adasynda 45 müň ýyl ozal çekilen gowak suratlarynyň üstüni aýypdylar.
