“Demirýollary” açyk görnüşli paýdarlar jemgyýetiniň saýtynda 2021-nji ýylyň mart aýyndan bildirilýän talaplary berjaý etmek şerti bilen, synag hökmünde, hepde-de 1 gezek hepdäniň çarşenbe (3-nji) güni Aşgabat–Türkmenabat we hepdäniň penşenbe (4-nji) güni Türkmenabat–Aşgabat ugurlary boýunça demir ýol gatnawynyň ýola goýulýandygy hem-de welaýatara we şäherara demir ýol gatnawlary boýunça beýleki ugurlara girizilen wagtlaýyn çäklendirmäniň möhletiniň 2021-nji ýylyň 1-nji apreline çenli uzaldylandygy barada habar berilýär. Şeýle hem görkezilen ugurlar boýunça ýolagçy biletleriniň häzirki wagtda diňe bilet satyş kassalarynda resmileşdirilýändigi bellenilýär.
