Orbital Assambleýa Korporasiýasy (OAC) tarapyndan işlenip düzülen ilkinji kosmos myhmanhanasynyň taslamasy eýýäm mahabatlandyrylyp başlandy. “Voyager Station” atly bekediň gurluşygy 2025-nji ýylda tamamlanar. Myhmanhana-bekedi orbitada ýerleşdirmek üçin bary-ýogy iki ýyl gerek bolar. 2027-nji ýylda bolsa, özüniň ilkinji myhmanlaryny kabul edip başlar. Myhmanhanada restoran, kinoteatr ýaly aňrybaş myhmanhanalardaky hyzmatlar hödürlener. Häzirki wagtda “Voyager” bekedini gurmak üçin näçeräk çykdajy ediljekdigi barada takyk maglumat ýok. Ýöne taslamany işläp düzüjiler gaýtadan ulanylýan“SpaceX” raketalarynyň peýda bolanyndan bäri kosmos myhmanhanasyny gurmagyň bahasynyň ep-esli azalandygyny mälim etdiler.
