UEFA Ýewropa ligasynda 1/8 finalyň 1-nji oýunlary oýnaldy. Tapgyryň merkezi oýnunda “Mançester Ýunaýted” bilen “Milan” 1-1 deňme-deň oýnady. Ýer eýeleriniň goluny Amar Diallo 50-nji minutda derwezä girizdi. Ol bu ýaryşda tapawutlanan iň ýaş “ýunaýtedli” oýunçy boldy. Diýseň şowly oýun görkezen Milan 90+2-nji minutda Simon Kýaýeriň goly bilen hasaby deňlemegi başardy.
“Slawiýa Praga” bilen “Reýnjers” toparynyň arasyndaky oýun hem 1-1 deňlikde tamamlandy (Stançiu 7 – Helander 36). Ýaryşyň sýurpriz toparlary “Granada” bilen “Moldeniň” arasyndaky oýunda ýer eýeleri 2-0 hasabynda ýeňiş gazandy. Ispan klubuna ýeňiş getiren gollary Molina (26) bilen Soldado (76) derwezä girizdi.
Ukrain klublary üçin birinji oýunlar juda şowsuz geçdi. “Şahtýor Donesk” myhmançylykda “Romadan” 3-0 asgyn geldi. Rimlilere ýeňiş getiren gollary Pellegrini (23), El-Şaarawi (73) hem-de Mançini (77) öz atlaryna ýazdyrdylar. “Dinamo Kiýew” bolsa, öz meýdançasynda “Wilýarrealdan” Torres (30) we Albiolyň (52) gollary bilen 2-0 utuldy.
Mançester Ýunaýted – Milan: 1-1
Slawiýa Praga – Reýnjers: 1-1
Granada – Molde: 2-0
Roma – Şahtýor Donesk: 3-0
Dinamo Kiýew – Wilýarreal: 0-2
