Kataryň paýtagty Dohada erkekleriň arasynda dowam edýän “Qatar Open” tennis ýaryşynda täsin waka boldy. Russiýaly Andreý Rublýow bir duşuşyk hem oýnaman ýarym finala çykdy. Ol faworit tennisçi hökmünde gatnaşan ýaryşynda 2-nji tapgyrdan başlan Rublýow bu tapgyrda fransiýaly Rişar Gaskeniň şikes almagyndan soň, duşuşyk geçirmezden, çärýek finala çykdy. Çärýek finalda-da wengriýaly Marton Fuçowiç bilen duşuşmalydy. Ýöne wenger tennisçiniň hem şikes almagyndan soň, 23 ýaşly Rublýow gönümel ýarym finala çykdy. Ýeke utuk hem alman ýarym finala çykan Rublýow häzirlikçe 52 müň dollar pul baýragyny alar. Ol ýarym finalda Dominik Tim bilen Roberto Bautista Agut ikisinden haýsy hem bolsa biri bilen duşuşar.
