NBA-da “Waşington Wizards” topary öz meýdançasynda “Indiana Peýsersi” 132:124 hasabynda ýeňlişe sezewar etdi. Duşuşykda Rassel Westbruk taryhy netijeler görkezdi. Triple-double netije görkezmekde öňe saýlanýan Westbruk bu duşuşykda 35 utuk, 21 asist hem-de 14 ribaundlyk görkezijiler bilen çykyş etdi. Şeýlelikde, 32 ýaşyndaky basketbolçy NBA-nyň taryhynda 35 utuk we 20 asistden ýokary netije görkezen ilkinji oýunçy boldy. Bir möwsümde iň köp triple-double etmekde rekordyň eýesi bolan Westbruk şu möwsümde 13-nji gezek 3 görkeziji boýunça-da iki sifrli sanlara ýetmegi başardy.
