“Tottenham” klubunyň ýolbaşçylary toparyň tälimçisi Žoze Mouriniony wezipesinden boşatdy. Klub 58 ýaşyndaky portugaliýaly hünärmeni şertnamasynyň wagtyndan ir wezipesinden boşadany üçin öweztöleg hökmünde 40 million ýewro möçberinde töleg tölär. Mourinio 2019-njy ýylyň noýabrynda toparyň tälimçiligine bellenipdi. “Tottenham” häzirki wagtda 7-nji orunda barýar we soňky 6 oýunda 1 gezek ýeňiş gazandy. Topara möwsümiň ahyryna çenli klubuň tälimçilerinden Raýan Meýson bilen Kris Powell tälim berer.
“Tottenham” geljek hepdäniň ahyrynda Liga Kubogynyň finalynda “Mançester Siti” bilen duşuşar.
