Portugaliýaly meşhur tälimçi Žoze Mourinionyň tälim berjek nobatdaky topary belli boldy. Golaýda “Tottenhamdaky” wezipesinden boşadylan ussat tälimçi Italiýa dolandy. 58 ýaşyndaky Mourinio “Serie A”-nyň güýçli klublaryndan, paýtagtyň “Roma” topary bilen 3 ýyllyk şertnama baglaşdy. Ol tamamlanyp barýan şu möwsümiň ahyrynda başga bir portugaliýaly tälimçi Paulo Fonsekanyň ornuna geçer. “Roma” topary tarapyndan Fonseka bilen möwsümiň ahyrynda şertnamasynyň möhletiniň uzaldylmajakdygy habar berlipdi.
Mourinio mundan öň 2008-2010-njy ýyllar aralygynda “Intere” tälim berip, milanlylara 2 çempionlyk gazandyrypdy.
