13-nji Halkara awiasiýa we kosmos sergisi «Airshow China 2021»-e 300-den gowrak hytaýly we daşary ýurtly kompaniýalary gatnaşar. Bu barada çäräniň guramaçylary mälim etdiler. Meýilnama laýyklykda, çäre 28-nji sentýabrdan 3-nji oktýabr aralygynda Hytaýyň Guandun welaýatynyň Çşuhaý şäherinde geçiriler diýip, Awiasiýa we kosmos sergisiniň ýerine ýetiriji komitetiniň jogapkär sekretarynyň orunbasary Çžuhaý Çžou Szode aýtdy.
Sergä gatnaşyjylaryň arasynda «Boeing», «Embraer», «GE Awiasiýa», «Honeywell» we «Parker Aerospace» ýaly meşhur halkara awiasiýa we aerokosmos kompaniýalary bar. Bu ýyl «Airshow China»-nyň ýapyk sergi meýdany 100 müň inedördül metr bolup, olaryň 80%-i eýýäm ätiýaç üçin saklanýar we açyk sergi meýdany 360 müň inedördül metre deňdir.
Çžou Szodeniň sözlerine görä, awiakosmos sergisi onlaýn tertipde hem geçirilip, tomaşaçylar uçuşlara, ýerdäki uçarlaryň tanyşdyrylyşyna, şeýle hem onlaýn forumlara tomaşa edip bilerler. Bu çärä awiasiýa we aerokosmos pudagynyň hünärmenleri, şeýle hem onlaýn tertipde alyş-çalyş we geleşikleri baglaşmak üçin Hytaýdan we daşary ýurtlardan söwda wekiliýetleri gatnaşar.
